Nord-Kypros

Nord-Kypros (tyrkisk: Kuzey Kibris Türk Cumhuriyeti) er ein republikk nord på øya Kypros. Området omfattar meir enn ein tredel av øya. Republikken er ikkje offisielt anerkjend av andre enn Tyrkia. Republikken Nord-Kypros ynskjer eit føderalt system i eit samla Kypros eller å verta anerkjend av dei sameinte nasjonane.

Kuzey Kıbrıs Türk Cumhuriyeti
Den tyrkiske republikken Nord-Kypros
Flagg	Riksvåpen
Nasjonalt motto: ikkje noko
Offisielt språk:	Tyrkisk
Hovudstad:	Levkosía (ty: Lefkoşa)
Styreform: President: Statsminister:	Republikk Mustafa Akıncı Hüseyin Özgürgün
Areal: Av dette vatn:	3 355 km² 2,7 %
Innbyggjarar (2005): Tettleik:	229 210 68,3/km²
Valuta:	Ny tyrkisk lira
Tidssone:	UTC +2
Nasjonaldag:	15. november
Nasjonalsong:	«İstiklâl Marşı»
Nasjonalt toppnivådomene:	.nc.tr
Geografisk plassering:
Kart over Nord-Kypros

Staten vert òg omtala som Den tyrkiske republikken Nord-Kypros eller KKTC.

Nord-Kypros er sterkt avhengig av stønad frå Tyrkia.

Historie

Staten vart oppretta som resultat av striden mellom gresk-kypriotane og tyrkisk-kypriotane. Den nordlege delen av Kypros vart invadert av Tyrkia i 1974. I 1975 vart Nord-Kypros gjeve namnet «tyrkisk føderal stat Nord-Kypros». I 1983 vart området utropa som sjølvstendig stat og namnet endra til Den tyrkiske republikken Nord-Kypros.

Administrativ inndeling

Nord-Kypros er delt inn i seks distrikt:^[1][2]

• Lefkoşa
• Gazimağusa
• Girne
• Güzelyurt
• Lefke
• İskele

Distrikta er igjen delte inn i 12 underdistrikt med i alt 28 kommunar.

Referansar

1. «KKTC Nüfus Sayımı, 2011 – Folketeljing Nord-Kypros 2011» (PDF) (på tyrkisk). www.ktoeos.org. Arkivert frå originalen (PDF) 9. juli 2022. Henta 17. september 2023.
2. «Lefke 6. ilçe oldu! Lefke sjette distrikt i Nord-Kypros» (på tyrkisk). Kibris Postasi. Arkivert frå originalen 11. september 2022. Henta 16. september 2023.

Denne geografiartikkelen er ei spire. Du kan hjelpe Nynorsk Wikipedia gjennom å utvide han.