Nabi Salih

Nabi Salih (arabisk النبي صالح) er ein liten palestinsk landsby i Ramallah og al-Bireh guvernement, sentralt på Vestbreidda, 20 kilometer nordvest for Ramallah. Han hadde kring 530 innbyggjarar i 2007.

Nabi Salih
النبي صالح, an-Nabi Salih, Nabi Saleh
landsby
Namneopphav: Den rettvise profeten[1]
Land	Dei palestinske territoria
Guvernement	Ramallah og al-Bireh guvernement
Koordinatar	32°01′0″N 35°7′29″E
Areal	2,8 km²
Folketal	534  (2007)
Folketettleik	191 / km²
Nabi Salih 32.016666666667°N 35.124722222222°E / 32.016666666667; 35.124722222222
Kart som viser Nabi Salih. Kart som viser Nabi Salih.
Wikimedia Commons: Nabi Salih

Historie

I 1596 stod landsbyen oppført (som Dayr Salih) i osmanske skattelister som ein del av i Quds nahiya i Quds liwa. Han hadde eit folketal på to hushaldningar, begge muslimar. Skattar vart betalte for kveite, bygg, sommaravlingar og tilfeldige inntekter^[2].

Den franske oppdagaren Victor Guérin vitja staden to gonger på 1800-talet. I 1870 skreiv han at staden var kalla opp etter ein person som «vert halde i ære der, under ein koubbeh delvis bygd med vanleg steinverk med ein eldgammal utsjånad.» I 1870 estimerte Guérin at landsbyen hadde 150 innbyggjarar.^[3] I The Survey of Western Palestine (1882), vart Neby Saleh skildra som «ein mellomstor landsby på ein rygg, med ein liten moské og ein brunn i sør. Ei kjelde ligg 1 km mot aust.»^[4]

Heilagdomen til Salih

Ei lokal segn meiner bygningen med blåfarga kuppel i landsbyen er heilagdomen til profeten Salih (I Bibelen Sjelah). Den moderne strukturen vart bygd på 1800-talet under osmansk styre. Han vart bygd over ruinane av eit krossfararbygg, som visstnok vart bygd over ruinane av ei bysantinsk kyrkje. Ruinane av den eldre strukturen omfatta apsisar med tre passasjar bak heilagdomen.

Geografi

Landsbyen ligg 570 meter over havet langs fjellkjeda som går langs Vestbreidda. Nabi Salih ligg 20 kilometer nordvest for byane Ramallah og al-Bireh.^[5] I nærleiken ligg Bani Zeid i nordvest, Kafr Ein i nord, Deir as-Sudan i nordaust, 'Abud i vest og Deir Nidham i sørvest.^[6]

Kjelder

• Denne artikkelen bygger på «Nabi Salih» frå Wikipedia på engelsk, den 22. september 2015.
  • Wikipedia på engelsk oppgav desse kjeldene:
• Bussow, Johann (2011). Hamidian Palestine: Politics and Society in the District of Jerusalem 1872-1908. BRILL. ISBN 9004205691.
• Conder, Claude Reignier; Kitchener, H. H. (1882). The Survey of Western Palestine: Memoirs of the Topography, Orography, Hydrography, and Archeology 2. London: Committee of the Palestine Exploration Fund.
• Guérin, Victor (1875). Description Géographique Historique et Archéologique de la Palestine. Vol 2; Samarie, pt. 2.
• Hadawi, Sami (1970). Village Statistics of 1945: A Classification of Land and Area ownership in Palestine. Palestinsk frigjeringsorganisasjon forskingssentral.
• Wolf-Dieter Hütteroth and Kamal Abdulfattah (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft.
• E. Mills, red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine.
• Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund.
• A. Socin (1879). «Alphabetisches Verzeichniss von Ortschaften des Paschalik Jerusalem». Zeitschrift des Deutschen Palästina-Vereins 2: 135–163.'

1. Palmer, 1881, s. 240
2. Hütteroth and Abdulfattah, 1977, s. 112.
3. Guérin, 1875, s. 105, 106.
4. Conder og Kitchener, 1882, vol 2, s. 291
5. Velkommen til al-Nabi Salih Palestina Remembered.
6. Satellite view of al-Nabi Salih

Bakgrunnsstoff

• Bilete av området, ARIJ