Merete Armand (8. juni 1955–22. januar 2017) var ein norsk skodespelar som var mest kjend frå scena. Ho var tilsett ved Den Nationale Scene i det meste av det yrkesaktive livet sitt. Ho gjorde seg spesielt notert i rolla som Oline i Hellemyrsfolket (1992).
| Merete Armand | |||
| Fødd | 8. juni 1955 | ||
|---|---|---|---|
| Fødestad | Bergen | ||
| Død | 22. januar 2017 (61 år) | ||
| Dødsstad | Bergen | ||
| Verka som | skodespelar | ||
| Mor | Elisabeth Armand | ||
| Far | Eilif Armand | ||
| Prisar | Pernillestatuetten | ||
Armand gjekk ut frå Statens Teaterhøgskole i 1979 og hadde debuten sin same året i stykket Ole Brumm ved Sogn og Fjordane Teater.[1] Ho var vidare tilsett ved Telemark Teater, Trøndelag Teater, Homansbyen Teaterselskap og Riksteatret. I 1986 vart ho tilsett ved Den Nationale Scene og blei verande her fram til ho døydde.[1]
På Den Nationale Scene medverka ho blant anna i oppsetjingar som Vaskerelvens rose av Gunnar Staalesen (1986), Måken av Anton Tsjekhov (1987), Hellemyrsfolket av Amalie Skram (1992), Løvet i Vallombrosa av Lars Norén (1997), Erasmus Montanus av Ludvig Holberg (2000), Presidentinnene av Werner Schwab, (2000), Heksene av Roald Dahl (2001–02), 1900 av Gunnar Staalesen (2002–03), Ronja Røverdatter av Astrid Lindgren (2003–04), Ved Kattemyra av Marina Carr (2004), Kameliadamen av Alexandre Dumas d.y. (2004), Idioten av Fjodor Dostojevskij (2005) og i Vesle Eyolf av Ibsen. Den siste rolla hennar var i Kvinnene fra Troja (2009) av Evripides.
Ved sida av teateret medverka ho òg i fleire høyrespel.[2] Ho hadde òg ei mindre rolle i den britiske filmen The Witches (1990) og dessutan nokre få oppdrag for TV.
I 1997 vart ho tildelt tildelt Pernillestatuetten.
Merete Armand var dotter av skodespelaren Eilif Armand og forfattaren Elisabeth Armand, og syster til barnebokforfattaren Yngvil Armand og skodespelarane Frøydis Armand og Gisken Armand.[1] Ho døydde 61 år gammal av kreft.[1]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
