Malin er ei opphavleg svensk form av det greske kvinnenamnet Magdalena, som betyr «frå Magdala». Magdala var i følgje Bibelen ein liten by i Galilea, og namnet er kjend gjennom den bibelske skikkelsen Maria Magdalena.
Malin har norsk namnedag den 22. juli og svensk namnedag den 10. desember. Nærskylde namn er Mali, Malena og Marlene.
Bruk
Namnet Malin blei danna i Sverige på 1500-talet. Det var særs utbreidd som døypenamn på 1970- og 1980-talet. I 2005 var det over 40 000 svenske kvinner som heitte Malin.
Malin var svært lite brukt i Noreg før ca 1960, men har vore blant dei mest populære døypenamna i Noreg frå ca 1990, og var på ti på topp-lista i perioden 1996–2000. I 2008 var det 8 142 kvinner i Noreg som heitte Malin.
Kjende namneberarar
- Malin Akerman (f. 1978), svensk skodespelar, modell og songar
- Malin Schavenius (f. 1979), norsk songar
- Malin Reitan (f. 1995), norsk songar
Oppdikta personar
- Malin Melkerson i Vi på Saltkråkan
Stadnamn
Malin er òg det russiske namnet på byen Malyn i Ukraina.
Kjelder
- Denne artikkelen bygger på «Malin» frå Wikipedia på bokmål, den 10. desember 2008.
- Søk etter norsk namnestatistikk for Malin hjå Statistisk Sentralbyrå
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.