Madaba guvernement

Madaba (arabisk مادبا‎) er eit guvernement i Jordan som ligg sørvest for Amman, hovudstaden i Jordan. Det administrative senteret er byen Madaba. Guvernementet er det åttande største av 12 guvernement når det gjeld både folketal og areal i Jordan. Det grensar til Balqa guvernement i nord, Amman guvernement i aust, og Karak guvernement i sør, og Daudehavet i vest.

Madaba
مادبا
guvernement
Land	Jordan
Distrikt	2
Byar	Husban
Hovudstad	Madaba
•  høgd	798 moh.
Areal	939,7 km²
Folketal	189 192 (2015)[1]
Retningsnummer	+(962)5
Urban	71.4%
Rural	28.6%
Madaba guvernement 31.612639°N 35.693333°E / 31.612639; 35.693333
Madaba guvernement Madaba guvernement
Wikimedia Commons: Madaba Governorate

Historie

Mange sivilisasjonar har heldt til i området til Madaba guvernement, mellom anna Moab, israelittane/jødar, nabatearane, romarar, og dei arabiske muslimrika.

Byen Madaba is er mest kjend for mosaikken frå bysantinarane og omajadane, særleg Madaba-kartet, eit stort mosaikk-kart over Palestina og Nilendeltaet frå bysantinsk tid.

Oldtida og Bibelen

Mange stader i Madaba guvernement er knytt til bibelske stader, som

• Nebo: i følgje Bibelen, var det på dette fjellet Moses stod og kikka ut over Det lova landet. Nebo, som ligg like vest for byen Madaba, var ein del av Madaba bispedøme i bysantinsk tid. Her det oppdaga mosaikk ved minnesmerke for Moses i tillegg til i kyrkjer i landsbyen Nebo, i 'Uyun Musa-dalen og ved 'Ayn al-Kanisah, med inskripsjonar som daterer dei til tida kring biskopane i Madaba frå seint på 400-talet til midten av 700-talet.
• Um er-Rasas (Kastron Mefaa) ligg på dei søraustlege steppene, og var òg ein del av bispedømet. Det ligg nær Wadi Mujib (Arnonelva), ei naturleg grense mellom i provinsen. Her finn ein mosaikk av St. Stephan i lag med Løvekyrkja (500- til 700-talet).
• Mukawer ligg 15 km sør for Madaba, der visstnok lekamen til Johannes døyparen ligg etter han vart halshogd. Staden ligg på ein fjelltopp oppom Daudehavet.
• Madaba-kartet: Det einaste komplette mosaikk-kartet av Jerusalem frå bysantinsk tid.

Geografi

Madaba guvernement grensar til Amman guvernement i aust og Balqa guvernement i nord, Vestbreidda på andre sida av Jordanelva, og Daudehavet vest, og Karak guvernement i sør. Ma'in er ein landsby i Madaba med ei naturleg varmekjelde i form av ein liten foss.

Det er store klimaskilnader i guvernementet på grunn av store høgdeskilnader. Byen Madaba ligg 798 meter over havet, medan Daudehavet ligg kring 300 meter under havnivå.

Administrativ inndeling

Madaba er delt inn i to departement:

• Madaba nahiya: med senter i Madaba, dette departementet omfattar òg 26 andre byar og landsbyar.
• Dhiban nahiya: omfattar 44 byar og landsbyar, med administrativ senter i Dhiban

Galleri

• 
  Bronseslangeskulpturen på Nebofjellet.

  Foto: Jerzy Strzelecki
• 
  Daudehavet frå Kempinski Hotel i Madaba guvernement.
• 
  Ma'in varmekjelder.
• 
  Byen Madaba er hovudstaden i Madaba guvernement.

  Foto: Jerzy Strzelecki
• 
  Ein gammal bydel i Madaba.

  Foto: Berthold Werner