Julie Bergan

Julie Bergan (fødd 12. april 1994) er ein norsk songar og låtskriver. Ho er kjend for låten «Arigato». Fleire kjenner ho òg gjennom venskapen med norske Astrid S.^[1]

Julie Bergan
Statsborgarskap	Noreg
Fødd	12. april 1994 (31 år) Skien kommune
Yrke	songar, låtskrivar, songar-låtskrivar
Sjanger	pop, rhythm and blues, elektronisk musikk, Hiphop, danse-pop, dansemusikk
Julie Bergan på Commons

Karriere

Oppstart

Julie Bergan starta si karriere i 2012 med låten «Supernova», som ho spelte inn saman med norske Cir.Cuz. Låten låg på norske topplister i totalt 16 veker i 2012 og 2013, og oppnådde femteplass som beste plassering.^[2][3] Ho deltok deretter i Melodi Grand Prix 2013 med låten «Give A Little Something Back», som ho skreiv saman med Ben Adams og Sara Skjoldnes. Ho gjekk ikkje vidare frå semifinalen i Steinkjer det året.^[4]

I september 2013 inngjekk ho kontrakt med Warner Music Norway, og mot slutten av same år gav ho ut «Undressed» saman med Idol-deltakaren Astrid S.^[2]

Julie Bergan under by:Larm 2017

2014-2018

Frå perioden 2014–2016 gav ho ut fleire singlar og hadde fleire konsertar. Ho var òg på fleire turnear, blant anna på VG-lista-turneen 2016.^[5] Fleire av låtene selde til både gull og platinum i Noreg, men det var ikkje før singelen «Arigato» vart gjeven ut våren 2016 at ho vart kjend utanlands.^{[treng kjelde]} Låten toppa norske lister, og låg på VG-lista i 20 veker.^[6][6][7] Den kom òg på femteplass på den offisielle svensken hitlista. Ho hadde skrive «Arigato» saman med blant anna norske Kid Joki, og låten vart nominert til fleire prisar, blant anna til årets lét under Spellemannprisen 2016.

Sjølv om songaren sjølv utgjev popmusikk, var ho òg med på NRK P3 sitt remix-prosjekt våren 2016.^[8] Remixen av «Attitudeproblem» av Karpe Diem vart laga saman med fleire andre kvinnelege artistar, og set kjønnsrollene i musikken på spissen.^[9]

For musikkåret 2017 vart ho blant anna booka til bransjefestivalen by:Larm, og dessutan til ei rekkje andre norske festivalar.^[10][11][12]

I 2018 bidrog ho saman med Alan Walker og Senguri på K-391-låten «Ignite». For låten vart dei nominerte til Spellemannprisen 2018 i klassa årets låt, ei utdeling ho sjølv leidde saman med Tarjei Strøm.^[13]

Diskografi

Solo

År	Tittel	Listeplassering		Album
		NOR[14]	SWE[15]
2013	«Give a Little Something Back»	—	—	N/A
2014	«Younger»	—	—
	«Fire»	—	—
	«Rude»	—	—
2015	«All Hours»	6	—
2016	«I Kinda Like It»	35	—
	«Arigato»	1	5	Turn On The Lights
2017	«Blackout»	17	—
	«Blackout (acoustic)»	—	—	N/A
	«If You Love Me»(featuring Tunji Ige)	—	—	Turn On The Lights
	«Incapable»	19	—
2018	«Guilt Trip»	18	—
	«U Got Me»	20	—	N/A
2019	«STFU»	20	—
	«Outlaw»	—	—
	«Crazy Enough»	35	—
	«Bored»	—	—
2020	«Kis sin Somebody»(featuring Seeb)	12	—
	«Commando»	—	—
	«One Touch»	39	—

Featuring

År	Tittel	Listeplassering	Album
		NOR[14]
2012	«Suparnova»(Cir. Cuz featuring Julie Bergan)	5	Vi Er Cir.Cuz
2017	«Can't Help Myself»(Clairmont featuring Mugisho & Julie Bergan)	-	N/A
2018	«Ignite»(K391 featuring Alan Walker, Julie Bergan & SEUNGRI)	1
2019	«Don't Give Up On Me Now»(R3HAB featuring Julie Bergan)	30
2020	«My Bad»(Shaun & Advanced featuring Julie Bergan)	—
	«Outline»(Crazy Cousinz featuring Julie Bergan)	—
	«Don't You Wanna Play?»(Seeb featuring Julie Bergan)	—

Cover

• Undressed - cover med Astrid S (2013)

Utmerkingar

år	organisasjon	pris	arbeid	resultat
2016	MTV-Music Awards	Beste norske artist	Julie Bergan	Nominert
	P3 Gull	Årets lét	«Arigato»	Nominert
		Årets nykommer	Julie Bergan	Nominert
2017	Spellemannprisen 2016	Årets lét	«Arigato»	Nominert
	Musikkforleggerprisen 2016	Årets Gjennombrot	«Arigato»	Vann
2019	Spellemannprisen 2018	Årets lét	«Ignite» (med K-391, Alan Walker, og Senguri)	Nominert
2020	P3 Gull[16]	Årets lét	«Kis sin somebody» (med Seeb)	Nominert
2021	Spellemannprisen 2020[17]	Årets lét	«Kis sin somebody» (med Seeb)	Nominert

^{[18][19][20][21][22]}