John Fredrik Mikaelsson (6. desember 1913–16. juni 1987) var ein svensk friidrettsutøvar frå Kristinehamn som i 1948 og 1952 vart olympisk meister i 10 km kappgang. Han døydde i Placer County i delstaten California i USA.
John Mikaelsson | |
Statsborgarskap | Sverige |
Fødd | 6. desember 1913 Kristinehamn |
Død | 16. juni 1987 (73 år) Placer County |
Idrett | friidrett |
Tok del i | Sommar-OL 1952, Sommar-OL 1948 |
Mikaelsson vart i 1946 europameister på 10 km på Bislett stadion i Oslo. To år etter vann han gullmedaljen på 10 km under dei olympiske sommarleikane i London, der landsmannen John Ljunggren gjekk til topps på 50-kilometeren. I 1950 kom Mikaelsson i mål til bronsemedalje på 10 km, frågått av sveitsaren Fritz Schwab og Emile Maggi frå Frankrike. Under Sommar-OL 1952 i Helsinki forbetra Bruno Junk frå Sovjetunionen den olympiske rekorden på 10 km, og stod dermed fram som favoritt før finalen. I finalen tok derimot Mikaelsson tilbake den olympiske rekorden då han vann med tida 45.02,8, framfor Schwab og Junk.
Mikaelsson sette frå 1936 til 1945 seksten verdsrekordar i kappgang på bane, alle på kortare strekningar opp til 10 km. Han vann i alt 13 svenske meisterskapstitlar.
- Denne artikkelen bygger på «John Mikaelsson» frå Wikipedia på tysk, den 3. august 2018.
- Denne artikkelen bygger på «John Mikaelsson» frå Wikipedia på svensk, den 3. august 2018.
- «John Mikaelsson» (på engelsk). Olympedia.org. Henta 18. april 2024.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.