«Here Comes the Night» er ein song frå 1964, skriven av Bert Berns og opphavleg gjeven ut av den skotske songaren Lulu. Versjonen hennar nådde 50. plass.[1][2] Bandet Them, med Van Morrison som frontmann, hadde ein hitt med deira versjon som kom ut i mars 1965. Them-versjonen nådde andreplassen i Storbritannia og 24. plass i USA, og var oppført på 33. plass på lista over dei 100 mest populære britiske singlane for 1965.[3]
| Here Comes the Night Singel av Lulu | ||
| B-side |
«That's Really Some Good» | |
|---|---|---|
| Språk | engelsk | |
| Utgjeve | November 1964 | |
| Sjanger | Pop | |
| Lengd | 2:54 | |
| Selskap | Decca Records | |
| Komponist | Bert Berns | |
| Tekstforfattar | Bert Berns | |
| Låtskrivar(ar) | Bert Russell | |
| Produsent | Bert Berns, Musikalsk leiar: Mike Leander | |
| Lulu-kronologi | ||
| «Try to Understand» (1964) |
Here Comes the Night | «Satisfied» (som Lulu and the Luvers) (1965)
|
| Here Comes the Night Singel av Them | ||
| B-side |
«All for Myself» | |
|---|---|---|
| Språk | engelsk | |
| Utgjeve | Mars 1965 | |
| Innspelt | Oktober 1964 | |
| Sjanger | Pop | |
| Lengd | 2:47 | |
| Selskap | Decca Records (UK), Parrot Records (USA) | |
| Komponist | Bert Berns | |
| Tekstforfattar | Bert Berns | |
| Låtskrivar(ar) | Bert Berns | |
| Produsent | Bert Berns | |
| Them-kronologi | ||
| «Gloria» (1965) |
Here Comes the Night | «Mystic Eyes» (1965)
|
Dette var den andre Them-singelen produsert av Bert Berns og første gong Them spelte inn ein av songane hans. Han vart innspelt under ei innspeling i Decca Studios i West Hamstead i London i oktober 1964 i lag med «Baby, Please Don't Go» og «All For Myself».[4]
Jimmy Page spelte gitar på dette arrangementet. Andy White og Tommy Scott song korvokal med Phil Coulter på klaverinstrument. Trommeslagar Ronnie Millings hugsar at bandet arbeidde med songen i studio med fire dagar med øvingar. Billy Harrison sa at «eg hugsar me sat hos Decca då Bert sa han hadde denne songen, og han kom ut med «Here Comes the Night». Han hadde eit riff, og det var alt han hadde, og me sat oss ned og arbeidde med han, og kom fram til det du kan høyre på plata. Me sat i studio, utan lydteknikar eller noko slikt.»[5] Phil Coulter sa seinare «eg visste eg høyrte ein stor hit. Det var første tong eg hadde høyrt ein hit heilt frå starten av»[6]
I følgje Phil Coulter hadde bandet meint at songen skulle vere oppfølgjar til «Baby, Please Don't Go», men han vart raskt gjeven ut av Decca med ein innspeling av Lulu i november 1964. Them skal ha vore særs skuffa over denne avgjersla av Decca og Phil Solomon.
«Here Comes the Night» var den tredje singelen til Them, gjeven ut etter suksessen med «Gloria». Den første dagen songen kom ut selde han 16 000 kopiar, som var eit imponerande tal den gongen.[7] Han nådde 2. plass i Storbritannia og 24. plass i USA, og låg 10 veker på lista i USA. Han vart òg gjeven ut på EPen Mystic Eyes. Etter at plata var gjeven ut, framførte Them songen på Ready Steady Go! og Top of the Pops.
Songen vart gjevne ut på den amerikanske utgåva av albumet THEM i juli 1965, og finst òg på albumet The Story of Them. Singelen vart gjeven ut på ny av Deram i 1973, men nådde ikkje då lista.
- Van Morrison (1974). Etter å ha starta ein kritikarrost solokarriere, spelte Morrison «Here Comes the Night» på konsertalbumet It's Too Late to Stop Now.
- «Here Comes the Night» (den originale versjonen frå 1965) vart gjeven ut på samlealbumet The Best of Van Morrison i 1990 og på Still on Top - The Greatest Hits i 2007.
- The Exciters (1965). Ein lett variasjon av songen, kalla «There They Go».
- David Bowie (1973). På coveralbumet hans Pin Ups.
- Streetheart (1979) Under Heaven over Hell.
- The Rivals (1980). Ein punkversjon. The Rivals trudde dei spelte ein David Bowie-song.
- Native (1994). Ein reggae-versjon. Finst i filmen Ace Ventura: When Nature Calls.
- Dwight Yoakam (1997).
- The Fabulous Thunderbirds (1995), på albumet Roll of the Dice.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
