Gunnhild Øyehaug

Gunnhild Øyehaug (fødd 9. januar 1975) er ein norsk forfattar. Ho vart fødd i Volda og voks opp i Ørsta. Øyehaug skriv på nynorsk. Ho underviser ved Skrivekunst-akademiet i Hordaland.^[1]

Gunnhild Øyehaug
Nasjonalitet	Norsk
Statsborgarskap	Noreg
Fødd	9. januar 1975 (50 år) Volda
Yrke	Lærar
Periode	1998-
Debut	Slaven av blåbæret
Gunnhild Øyehaug på Commons

Gunnhild Øyehaug har hovudfag i litteraturvitskap og ho er tilsett som lærar ved Skrivekunstakademiet i Hordaland. Ho har vore med i redaksjonen for tidsskriftet Vagant, og frå 2005 til 2009 redigerte ho tidsskriftet Kraftsentrum saman med Olaug Nilssen. Ho debuterte i 1998 med diktsamlinga Slaven av blåbæret. I 2004 vart novellesamling Knutar nominert til Brageprisen. I 2005 vart ho plukka ut av Bjørnsonfestivalens kunstnariske råd til å representere Noreg i det internasjonale festivalsamarbeidet Scritture Giovani. Ho vart i 2006 tildelt Bjørnsonstipendet, og i 2007 fekk ho Tanums Kvinnestipend.

Utgjevingar

• Slaven av blåbæret – diktsamling (1998)
• Knutar – novellesamling (2004)
• Stol og ekstase – essays og noveller (2006)
• Vente, blinke – roman (2008)
• Knutar+ – noveller (2012)
• Undis Brekke – roman (2014)
• Kvinner i for store herreskjorter – filmmanus (saman med Yngvild Sve Flikke) (2015)
• Draumeskrivar – novellesamling (2016)
• Miniatyrlesingar – essay (2017)
• Presens maskin – roman (2018)
• Vonde blomar – noveller (2020) Kolon forlag
• Hjartet i skalkeskjulet – essay (2022) Kolon forlag.

Omsetjingar

• Sonja Åkesson: 11 dikt om einsemd (2009)
• Christophe Tarkos: Kasser (m. Cathrine Strøm, 2011)

Prisar og utmerkingar

• Bjørnsonstipendet 2006, for «sitt skakke blikk på verda, sin absurde humor og si evne til å skape eit særeige, medvite språk» (juryen si grunngjeving)
• Tanums Kvinnestipend, 2007
• Nynorsk litteraturpris 2008 for Vente, blinke
• Doblougprisen, 2009
• Sultprisen, 2009
• Prins Eugens kulturpris, 2010