From Wikipedia, the free encyclopedia
Grasslette er opne, flate område med ulike grasslag som den viktigaste veksttypen. Det finst naturlege grassletter på alle kontinenta bortsett frå Antarktis, og i dei fleste økoregionane i verda.[1] Nokre døme på slike område er prærie i Nord-Amerika og savanne i Afrika.
Ein reknar ofte med at grassletter oppstår og blir haldne ved like av dyr som forflyttar seg eller beitar på dei, eller av eld.[2][3] Nokre døme på dette er migrerande flokkar av antiloper som trampar ned vegetasjon og savanneelefantar som et unge akasieplantar før dei kan veksa seg til større tre.