Graham Norton

Graham William Walker (fødd 4. april 1963 i Clondalkin), kjend under scenenamnet Graham Norton, er ein irsk skodespelar, komikar, programleiar og journalist.^[1]

Graham Norton
Statsborgarskap	Irland
Fødd	4. april 1963 (62 år) Clondalkin
Yrke	programleiar, komikar, radioprogramleiar, journalist, filmskodespelar, spaltist, memoarforfattar
Språk	engelsk
Religion	Protestantisme
Ektefelle	Jono McLeod
Partnar	Tina Burner
Graham Norton på Commons

Bakgrunn

I 1992 byrja Norton som standup-komikar ved Edinburgh Festival Fringe. Dei fyrste framsyningane hans innan kringkasting var som komikar på BBC Radio 4-showet Loose Ends, som gjekk kvar laurdag morgon tidleg i 1990-åra. Han fekk ry på Channel 5, då han vann ein pris for si framsyning som reserve-vert for eit talkshow som vanlegvis blei presentert av Jack Docherty.^[1]

Norton er kjend som vert for talkshowet The Graham Norton Show, og som den britiske kommentatoren for Eurovision Song Contest. I 2003 blei Norton gjenstand for kontrovers då han gjorde ein komisk referanse til den nylege avlidne Bee Gees-musikaren Maurice Gibb på Channel 4.^[2] Norton forårsaka ny kontrovers 7. oktober 2006, då han skildra ecstasy som ei «fantastisk oppleving».^[3]

I 2023 var Norton ein av programleiarane for finalen av Eurovision Song Contest 2023 i Liverpool, saman med Hannah Waddingham, Alesha Dixon og Julija Sanina.^[4]

Privatliv

Norton er open homofil og lid av vitiligo, ein hudsjukdom der det kan opptre flekkar av pigmentert hud.^[5][6]

I 2022 gifta Norton seg med Jonathan McLeod.^{[7][8][9][10]}