Demetrio Albertini
italiensk fotballspelar From Wikipedia, the free encyclopedia
Demetrio Albertini (fødd 23. august 1971) er ein italiensk tidlegare fotballspelar og seinare idrettsleiar frå Besana i Provinsen Monza og Brianza. Han er kjend frå si tid i AC Milan der han vann fem seriegull ogi 1995 ein meisterligatittel. Han spela 79 landskampar for Italia, derimellom i fotball-VM i 1994 og 1998, samt fotball-EM i 1996 og 2000. Albertini var midtbanespelar og kjend for sitt blikk for spelet og ein sikker pasningsfot.
 | |||
| Personleg informasjon | |||
|---|---|---|---|
| Fødd | 23. august 1971 (53 år) | ||
| Fødestad | Besana i Italia | ||
| Høgd | 180 cm | ||
| Posisjon | Midtbanespelar | ||
| Seniorkarriere* | |||
| År | Lag | Kampar | (Mål) |
| 1988-2002 | Milan | 293 | (21) |
| 1990-1991 | → Padova (lån) | 28 | (5) |
| 2002-2003 | Atlético Madrid | 28 | (2) |
| 2003-2004 | Lazio | 23 | (2) |
| 2004-2005 | Atalanta | 14 | (1) |
| 2005 | Barcelona | 5 | (0) |
| Landslag | |||
| 1991-2002 | Italia | 79 | (2) |
| * Seniorklubbkampar og mål berre telt for nasjonal liga | |||
Albertini debuterte for AC Milan som 17-åring i 1989. I 1989/90-sesongen var han utlånt til Padova, men i den påfølgjande sesongen etablerte han seg i Milan-laget. Han hadde fast plass i fyrsteellevaren dei neste elleve sesongane, og vann fem sereimeisterskap; 1992, 1993, 1994. 1996 og 1999. Åra 1993 til -95 var han med på å spele Milan fram til tre meisterligafinalar på rad, i 1995 vart det siger for klubben. Han spela omtrent 300 seriekamper og 41 europacupkampar for klubben.
Albertini forlet Milan i 2002 og spelte sidan for klubbar som Atletico Madrid, Lazio, Atalanta BC frå Bergamo og Barcelona, men aldri meir enn ein sesong i kvar klubb.
Albertini debuterte for Italia mot Kypros i 1991 og deltok på OL-laget i 1992. I 1994 var han etablert på landslaget og spela alle kampane då Italia tok seg til VM-finalen, der det vart tap for Brasil etter ein tam finale og straffeskyting. Også i 1998 spelte han for Italia som rauk ut ut i kvartfinalen mot den seinare verdsmeisteren Frankrike, enno ein gong etter straffeskyting. Italia og Alberti tok seg heilt til finalen i fotball-EM 2000, der det etter ekstraomgangar vart tap for Frankrike. Han aksla den italienske landslagstrøya for siste gong i 2002. Totalt spela Albertini 79 landskampar og skåra tre mål.
Albertini vart i 2006 vald til visepresident i det italienske fotballforbundet.
- VM-sølv 1994 for Italia
- EM-sølv 2000 for Italia
- Vinnar av Meisterligaen 1994 med AC Milan
- Italiensk seriemeister 1992, 1993, 1994, 1996 og 1999 med AC Milan
- Italiensk cupmeister 2004 med SS Lazio
Kjelder
- Denne artikkelen bygger på «Demetrio Albertini» frå Wikipedia på engelsk, den 3. april 2014.
- Denne artikkelen bygger på «Demetrio Albertini» frå Wikipedia på tysk, den 3. april 2014.
Bakgrunnsstoff
- Demetrio Albertini på FIFA sin offisielle nettstad
Wikiwand - on
Seamless Wikipedia browsing. On steroids.