Dean Ford

Dean Ford (5. september 1946–31. desember 2018, fødd som Thomas McAleese) var ein skotsk songar og låtskrivar, mest kjend som solovokalist og frontmann i beatgruppa Marmalade frå 1966 til 1974. Ford var med å skrive hittar for bandet som «Reflections of My Life», som har selt meir enn to millionar eksemplar verda over.^[1]

Dean Ford
Fødd	5. september 1946(1946-09-05)
Fødestad	Coatbridge
Død	31. desember 2018 (72 år)
Dødsstad	Los Angeles i USA
Fødenamn	Thomas McAleese
Alias	Dean Ford
Opphav	Coatbridge i North Lanarkshire i Skottland
Aktiv	1963–2018
Sjanger	Pop, rock
Tilknytte artistar	Dean Ford and the Gaylords, Marmalade
Plateselskap	EMI Columbia, CBS, Decca, EMI
Verka som	Songar, låtskrivar

Tidleg i 1960-åra song han i Dean Ford and the Gaylords, før han etter tre år vart songar i Marmalade. Ford starta ein solokarriere etter Marmalade og gav ut debutalbumet sitt i 1975, produsert av Alan Parsons.^[2] Samarbeidet hans med Parsons strekte seg til at han vart gjestevokalist på Pyramid av The Alan Parsons Project i 1978.

Ford flytta til USA i slutten av 1970-åra, der han sleit med alkoholisme, før han vart edru i 1986.^[3]

I 2003 vart han med i ei ny utgåve av The Sensational Alex Harvey Band.^[4] Ford gav ut det andre soloalbumet sitt, Feel My Heartbeat, i2017.^[5] Han gav ut albumet My Scottish Heart to månader før han døydde. Han døydde av sjukdom knytt til Parkinsons sjukdom.^[6][7]

Diskografi

• Dean Ford
• «Radio Heart» / «Let It Rain»
• Feel My Heartbeat
• My Scottish Heart

Kjende songar

År	Song	Låtskrivar	Listeplassering
1967	«I See the Rain»	Campbell-McAleese	Nr. 23 Nederland
1969	«Reflections of My Life»	Campbell-McAleese	Nr. 3 UK, nr. 7 US-Cashbox, nr. 10 US, nr. 21 US-AC
1970	«Rainbow»	Campbell-McAleese	Nr. 3 UK, nr. 7 US-AC, nr. 51 US
1971	«My Little One»	Campbell-McAleese	No. 15 UK, nr. 31 US-AC, nr. 123 US