Condoleezza Rice
From Wikipedia, the free encyclopedia
Condoleezza Rice (fødd 14. november 1954) er ein USA-amerikansk professor, diplomat og forfattar. Ho var den sekstisjette utanriksministeren i USA, og den andre under president George W. Bush, mellom 2005 og 2009. Rice var den fyrste afroamerikanske kvinna som var utanriksminister i landet, den andre afroamerikanske personen (etter Colin Powell) og den andre kvinna (etter Madeleine Albright). I den fyrste presidentperioden til Bush var Rice den nasjonale tryggleiksrådgjevaren hans. Før ho vart med i regjeringa til George W. Bush, var ho professor i statsvitskap ved Stanford University, der ho var provost frå 1993 til 1999. Rice var rådgjevar i sovjet- og austeuropasaker for president George H.W. Bush under fallet til Sovjetunionen og då Tyskland vart sameint att.
| Condoleezza Rice | |||
 | |||
| Fødd | 14. november 1954 (70 år) Birmingham i Alabama | ||
|---|---|---|---|
| Statsborgar av | USA | ||
| Parti | Det republikanske partiet | ||
| Religion | Protestantisme | ||
| Yrke | politikar, skribent, statsvitar, diplomat, sjølvbiograf, pedagog, universitetslærar, pianist, akademikar | ||
| Institusjonar | Stanford University | ||
| Utdanna ved | University of Denver University of Notre Dame Josef Korbel School of International Studies | ||
| Medlem | American Academy of Arts and Sciences Phi Beta Kappa | ||
| Verv | Utanriksminister i USA 2005-2009 | ||
| Føregangar | Colin Powell | ||
| Etterfylgjar | Hillary Clinton | ||
| Alle verv |
| ||
I byrjinga av perioden sin som utanriksminister, stod Rice i spissen for ein plan som hadde fokus på demokrati i Midtausten og områda rundt («Transformational Diplomacy»). Fokuset hennar på å støtte demokratisk valde regjeringar møtte motstand fordi Hamas, som støtta muslimske militantar, fekk eit stort fleirtal i det palestinske valet, og fordi store land som Saudi-Arabia og Egypt heldt fram med autoritære system med støtte frå USA. Medan ho var utanriksminister leidde ho også styret i Millennium Challenge Corporation.[1]
I mars 2009 vende Rice tilbake til Stanford University som professor i statsvitskap og «Thomas and Barbara Stephenson Senior Fellow» i offentleg politikk på Hoover Institution.[2][3]
Bibliografi
- The Soviet Union and the Czechoslovak Army: Uncertain Allegiance (Princeton University Press, 1984)
- The Gorbachev Era (Stanford Alumni Association, 1986, saman med Alexander Dallin)
- Germany Unified and Europe Transformed: A Study in Statecraft (Harvard University Press, 1995, saman med Philip D. Zelikow)
- «Campaign 2000: Promoting the National Interest | Foreign Affairs» i Foreign Affairs (2000)
- The Strategy of Campaigning: Lessons from Ronald Reagan and Boris Yeltsin (University of Michigan Press, 2007, saman med Kiron K. Skinner, Serhiy Kudelia og Bruce Bueno de Mesquita)
Kjelder
Bakgrunnsstoff
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
