From Wikipedia, the free encyclopedia
Bhutan er eit lite land i Himalaya i Sør-Asia. Landet grensar til India og Folkerepublikken Kina. Det eigentleg namnet på Bhutan, Druk Yul (uttala dru ü), tyder drakelandet.
| Druk Yul (Dru Ü)
(norsk: Bhutan, bhutansk) | |||||||
|---|---|---|---|---|---|---|---|
| |||||||
| Nasjonalsong | «Druk tsendhen» | ||||||
| Motto | Ingen | ||||||
 | |||||||
| Offisielle språk | Dzongkha | ||||||
| Hovudstad | Thimphu | ||||||
| Styresett |
Monarki Jigme Khesar Namgyal Wangchuck Jigme Thinley | ||||||
| Flatevidd – Totalt – Andel vatn |
38 394 km² (134.) Ubetydeleg | ||||||
| Folketal – Estimert (2017) – Folketeljing (2002) – Tettleik |
758 288 (161.) 2 094 176 19,8 /km² (162.) | ||||||
| Sjølvstende |
Historisk | ||||||
| Nasjonaldag | 17. desember | ||||||
| BNP – Totalt (2015) – Per innbyggjar |
6 383 mill. USD (161.) 8 400 USD (119.) | ||||||
| Valuta | Ngultrum | ||||||
| Tidssone | UTC +6 | ||||||
| Telefonkode | +975 | ||||||
| Toppnivådomene | .bt
| ||||||
Landet er kjend for å vera eitt av dei mest avsondra i verda gjennom ein medviten politikk ført av dei bhutanske kongane. Mellom anna er det påbode å bera tradisjonelle klede. Få utlendingar har fått reisa inn i landet, og moderne massemedia har vore haldne ute. I dag er likevel både turisme og media i vekst.
Fram til 1998 hadde kongen totalitær makt i landet, men etter det har han gradvis gjeve frå seg meir og meir makt. Kong Jigme Singye Wangchuck gjennomførte ein prosess som leidde fram til valet i Bhutan 2008, det første frie valet i landet. Singye abdiserte i 2006, og overlét trona til den unge sonen Jigme Khesar Namgyal Wangchuck. Bhutan vil framleis vera eit monarki, og begge partia som stilte ved valet la stor vekt på rolla til kongen.
Bhutan har i røynda tre klimasoner. Den særlege er kring 50 km brei med høgder frå 150 til 2000 moh og her er det tropisk klima. Monsun som kjem her om sommarne fører med seg mykje nedbør, som vert pressa opp mot dei høge fjella og gjev store mengder regn. Nedbørnormalen er her kring 2500 mm. Lenger nord ligg den ca. 75 km breie sentrale sonen som for det meste ligg mellom 2000 og 4000 moh. Her er det temperert klima med monsunregn. Ved grensefjella i Store Himalaya er klimaet nær arktisk.
I nordlege område av landet har ein derimot ein god del torevêr om våren, lenge før monsunen kjem. Midt i monsuntida, frå juni til september, kjem mykje av nedbøren om natta, og ein kan ha litt sol om ettermiddagen før bygene kjem. Landet har ein normal årsnedbør på om lag 3000 mm, og det meste kjem frå mai til oktober. Under dei høgaste fjelltoppane er vintervêret vanlegvis klårt med frost om morgonen, og av og til litt tåke.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
