Austersjømarihand (Dactylorhiza majalis ssp. baltica) er ei plante i marihandslekta Dactylorhiza i orkidéfamilien (marihandfamilien) Orchidaceae.[1] Ho veks ikkje i Noreg.
Austersjømarihand | |||
Systematikk | |||
Rike: | Planteriket | ||
Klasse: | Einfrøblada | ||
Orden: | Aspargesordenen | ||
Familie: | Orkidéfamilien | ||
Slekt: | Dactylorhiza | ||
Art: | D. majalis | ||
Vitskapleg namn | |||
Dactylorhiza majalis ssp. baltica
(Klinge) H.Sund. | |||
Økologi | |||
Utbreiing: | nordaust-Europa og Sibir | ||
Austersjømarihand høyrer til kongsmarihand-gruppa D. majalis.[2] Heile gruppa er tetraploid og har truleg kome til ved hybridisering mellom dei to diploide plantene engmarihand (D. incarnata) og skogmarihand (D. maculata ssp. fuchsii), kopla med dobling av kromosomtalet.[3]
I dei tre baltiske statane blir austersjømarihand rekna som ein eigen art (D. baltica). Tidlegare blei òg namnet D. longifolia brukt.[4][5][6]
Underartar av D. majalis i Noreg er smalmarihand (ssp. sphagnicola), lappmarihand (ssp. lapponica) og purpurmarihand (ssp. purpurella). Nominatunderarten (ssp. majalis) lever i Sverige og Danmark.
Austersjømarihand (svensk namn baltnycklar) blir rekna som sterkt truga (EN) i Sverige.[7] I Finland er han sett på som ein eigen art D. baltica (finsk namn baltiankämmekkä), har nokre få funnstader på sørkysten og blir rekna som sterkt truga (EN).[8]
I Estland (estisk namn balti sõrmkäpp) er austersjømarihand vanleg over heile landet og er rekna som livskraftig (LC).[4] I Latvia (latvisk namn baltijas dzegužpirkstīte)[5] er han òg ganske vanleg og står ikkje som truga på den latviske raudlista.[9] I Litauen er han (litauisk namn baltijinė gegūnė) vanleg over heile landet og er rekna som livskraftig.[6]
I Sverige og Estland er det registrert hybridar mellom austersjømarihand og skogmarihand (Dactylorhiza maculata ssp. fuchsii × majalis ssp. baltica).[10][11]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.