norsk songar og musikar From Wikipedia, the free encyclopedia
Ane Brun, eigentleg Ane Brunvoll (fødd 10. mars 1976) er ein norsk songar og låtskrivar, fødd og oppvaksen i Molde. Ho held til i Stockholm. Dei siste åra har ho mellom anna spela på Hultsfred-festivalen og Moldejazz 2001/2005, by:Larm 2002/2005, Mono i Oslo, Debaser i Stockholm samt ei rekkje andre festivalar og stader i Sverige, Noreg og i Europa.
| Ane Brun | |||
 | |||
| Fødd | 10. mars 1976 (48 år) | ||
|---|---|---|---|
| Fødestad | Molde kommune | ||
| Fødenamn | Ane Brunvoll | ||
| Alias | Ane Brun | ||
| Opphav | Molde i Noreg | ||
| Aktiv | 1998– | ||
| Sjanger | Pop | ||
| Instrument | gitar, vokal | ||
| Plateselskap | DetErMineRecords/Tuba | ||
| Verka som | musikar, songar, gitarist, låtskrivar, plateartist | ||
| Prisar | Spellemannprisen for årets kvinnelige artist, Prins Eugens Kulturpris, Spellemannprisen for årets hit, Spellemannprisen for årets kvinnelige artist, Alarmprisen i pop | ||
Ane Brun har budd i Stockholm sidan 2000. Her starta ho plateselskapet DetErMine Records saman med vokalisten i The Tiny, Ellekari Larsson. DetErMine byrja etter kvart å samarbeide med V2 Music. Debutalbumet hennar Spending Time With Morgan fekk god omtale og vart lansert over heile Europa i 2003. Ho vart nominert til den svenske musikkprisen «Manifest» i 2003. Det andre albumet hennar A Temporary dive vart lansert i Europa i 2005. Etter tre veker selde ho til gull berre i Noreg. I november 2005 vart Duets lansert. Duets inneheld ti duettar med ti ulike artistar. Songen «Lift Me» med det nordnorske bandet Madrugada vart ein populær radiolåt. Andre som er med på Duets er Teitur, Tobias Fröberg, Liv Widell, Wendy McNeill, Ron Sexsmith, Syd Matters, Tingsek, Ellekari Larsson frå The Tiny og Lars Bygden. I dei siste åra har Ane Brun turnert over heile Europa. Ho vart invitert til fleire festivalar som The Lowlands Festival (Nederland), Hultsfredsfestivalen (Sverige), Øya, Quart, Moldejazz og Norwegian Wood. I september 2005 hjelpte ho Keren Ann på turné i Storbritannia på Olympia i Paris. I desember 2005 var ho medhjelpar for a-ha på Wembley Arena i London.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
