Øyvind Skaanes (fødd 29. mai 1968) er ein norsk tidlegare langrennsløpar frå Trondheim som representerte Strindheim IL. I VM 1991 i Val di Fiemme vann han saman med Terje Langli, Vegard Ulvang og Bjørn Dæhlie gull på 4 x 10 km stafett. Han vart noregsmeister på 50 km i 1990. I tillegg har han ein sølv- og ein bronsemedalje frå noregsmeisterskap.
| Øyvind Skaanes | |
| Statsborgarskap | Noreg |
| Fødd | 29. mai 1968 (56 år) Trondheim |
| Idrett | langrenn |
| Tok del i | Ski-VM 1991, Ski-VM 1997, 1993 Vasaloppet |
Skaanes debuterte i verdscupen i desember 1989 i US-Amerika med ein 13. plass. Hans beste individuelle resultat i verdscupen er to sjetteplassar. Fyrste gongen på 15 km i Trondheim i mars 1990, siste gongen på 30 km i Oberstdorf i desember 1996 (der det var sju norske løparar mellom dei åtte fremste på resultatlista).
Skaanes gjekk mange gode renn allereie i junioralderen. Sitt store gjennombrot fekk han i 1990-sesongen, då han vann sitt einaste noregsmeisterskap som senior. På NM-femmila på Gjøvik slo han sølvmedaljevinnaren Tor Håkon Holte med over tre minuttar. Året etter gjekk Skaanes sitt livs løp då han under Ski-VM 1991 gjekk fyrsteetappen på Noregs lag på 4 x 10 km stafett. Han rykte frå konkurrentane allereie tidleg på etappen og gav Noreg eit stort forsprang. I realiteten avgjorde han tevlinga. Dei neste fire sesongane var han langt unna internasjonalt nivå, og vart heller ikkje sidan så god som han hadde vore i 1990 og -91.
Medaljar og besteplasseringar i internasjonale meisterskap og verdscuprenn
- 1990: Nr 6 på 15 km i Trondheim
- 1991: Nr 10 på 50 km i Holmenkollen, nr 15 på 30 km i VM i Val di Fiemme
- 1992: Nr 34 på 15 km i Lahti
- 1993: Nr 18 på 15 km i Ulrichen
- 1994: Nr 38 på 50 km i Holmenkollen
- 1995: Nr 50 på 50 km i Holmenkollen
- 1996: Nr 20 på 50 km i Holmenkollen
- 1996/7: Nr 6 på 30 km i Oberstdorf
- 1997/8: Nr 10 på 10 km på Beitostølen
Medaljar og besteplasseringar i noregsmeisterskap
- Ski-NM 1989: Nr 9 på 15 km på Geilo
- Ski-NM 1990: Gullmedalje på 50 km på Gjøvik
- Ski-NM 1991: Bronsemedalje på 15 km i Misvær
- Ski-NM 1992: Nr 6 på jaktstarten i Trondheim
- Ski-NM 1993: Nr 11 på 10 km på Lillehammer
- Ski-NM 1994: Nr 8 på 30 km i Vegårshei
- 1995: -
- Ski-NM 1996: Nr 10 på 50 km i Stryn
- Ski-NM 1997: Sølvmedalje på 10 km i Mo i Rana
- 1998: -
- Ski-NM 1999: Nr 9 på 10 km i Skrautvål
Skaanes la opp etter 1999-sesongen.
- Sportsboken, aktuelle årgangar
- Denne artikkelen bygger på «Øyvind Skaanes» frå Wikipedia på bokmål, den 15. mai 2013.
- Øyvind Skaanes i fis-ski.com
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
