Thomas Dybdahl

Thomas Dybdahl (fødd 12. april 1979) er ein norsk songar og låtskrivar frå Sandnes. Han er vinnar av Spellemannprisen og Alarmprisen.

Thomas Dybdahl
Fødd	12. april 1979 (45 år)
Fødestad	Sandnes kommune, Noreg
Opphav	Noreg
Instrument	gitar, vokal
Verka som	songar-låtskrivar, songar, gitarist, komponist
Prisar	Spellemannprisen for årets popsolist, Spellemannprisen for årets mannlige artist, Alarmprisen i pop, Amandaprisen for beste musikk, Amandaprisen for beste musikk

Dybdahl var gitarist i det jazz- og popinspirerte Stavanger-bandet Quadrophenics. Han fekk mykje merksemd for singeldebuten «Bird» i 2000. EP-en John Wayne i 2001 vart ikkje så populær.

Året etter gav Dybdahl ut sitt første musikkalbum, That Great October Sound. Albumet selde godt, og blei spelt mykje på radio, samstundes som media gav albumet mykje merksemd. Platene Stray Dogs (2003) og One Day You'll Dance For Me, New York City (2004), bygde opp om Dybdahl sin posisjon som ein viktig popmusikar i Noreg.

Thomas Dybdahl er òg vokalist i popgruppa The National Bank, som omfattar medlemer mellom anna frå Jaga Jazzist. The National Bank album- og konsertdebuterte sommaren 2004, og mottok Spellemannprisen for årets pop-album.

Utgjevingar

Musikkalbum

• ...That Great October Sound (2002)
• Stray Dogs (2003)
• One Day You'll Dance For Me, New York City (2004)
• October Triology (2006)
• Science (2006)
• Waiting For That One Clear Moment (2010)
• What's Left Is Forever (2013)
• The Great Plains (2017)
• All These Things (2018)
• Fever (2020)

EP-ar og singlar

• Bird EP (2000)
• John Wayne EP (2001)
• Rain down on me (2003)
• A lovestory (2004)

Deltaking i andre musikkutgjevingar

• Quadraphonics – Q (1998)
• The National Bank – The National Bank (2004)

Utmerkingar

• Edvard-prisen 2002 i klassen populærmusikk for songen All's Not Lost frå ...That Great October Sound.
• Spellemannprisen 2002 i klassen popsolist for ...That Great October Sound.
• Alarmprisen 2003 i klassen pop.
• Spellemannprisen 2006 i klassen beste mannlege artist for Science.

Bakgrunnsstoff

• Nettstad
• Uoffisiell fanside
• Dagbladet, 12.04.2010: Familiens mann.