![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c8/Oslo_Cathedral.jpg/640px-Oslo_Cathedral.jpg&w=640&q=50)
Stortorget i Oslo
From Wikipedia, the free encyclopedia
![Thumb image](http://upload.wikimedia.org/wikipedia/commons/thumb/c/c8/Oslo_Cathedral.jpg/640px-Oslo_Cathedral.jpg)
Foto: J. P. Fagerback
![Thumb image](http://upload.wikimedia.org/wikipedia/commons/thumb/a/a4/Wergmann_Stortorvet_og_domkirken.jpg/640px-Wergmann_Stortorvet_og_domkirken.jpg)
Stortorget eller Stortorvet (som er det offisielle namnet) er eit torg i Oslo sentrum. Det har vore sentraltorget i byen frå 1736 da det tok over etter Christiania gamle torg. Kringom torget ligg mellom anna Oslo domkyrkje i nr. 1, Glasmagasinet i nr. 9 og Stortorvets Gjæstgiveri. Sistnemnde har ikkje adresse til sjølve torget, men til Grensen nr. 1.
Stortorget har vore møteplass for innbyggjarane i byen, handleplass og trafikknutepunkt og er blomstertorget i Oslo. Det var òg plassen for det såkalla Torgslaget 17. mai 1829 og er kjend for skulpturen av Kristian IV som blei avduka på staden i 1880.