![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/78/Stearin.png/640px-Stearin.png&w=640&q=50)
Stearin
kjemisk sambinding / From Wikipedia, the free encyclopedia
Stearin (eller tristearin) er eit lukt- og smakfritt feittstoff som er fast ved romtemperatur.[1] Det er ein glyserolester av stearinsyre og har formel (C17H35COO)3C3H5. Smeltepunktet er 72 °C.
![Thumb image](http://upload.wikimedia.org/wikipedia/commons/thumb/7/78/Stearin.png/640px-Stearin.png)
Ordet «stearin» kjem frå gresk stear som tyder «talg». Stearin er ein av dei viktigaste delane av fleire feittypar frå plantar og dyr, som talg og kakaofeitt.[1]
Ein kan framstilla stearin ved katalytisk hydrogenering av oljer, eller av stearinsyre og glyserol med aluminiumoksid (Al2O3) til stades.[1]
Stearin var tidlegare den vanlegaste komponenten i levande lys. Lys av rein stearin blir for sprøe, derfor blir moderne stearinlys som regel også tilsette fast parafin (parafinvoks). Lys av berre parafin blei for blaute.[2] Stearin kan også brukast som feittkomponent i såpe.
Feittstoffet er framstilt frå levande organismar, for eksempel oljehaldige planteslag som palme, eller som eit biprodukt i kjøtproduksjon. Jo meir feitt det er i stearinen, desto fastare er konsistensen ved romtemperatur.