Sjøfart
From Wikipedia, the free encyclopedia
Skipsfart viser til ferdsle og transport med fartøy til vatn,[1] medan sjøfart kan visa spesifikt til slik ferdsle til sjøs.[2] Skipsfart kan gå føre seg på havet, men også på innsjøar, elvar og kanalar. Han kan ha ulike føremål, som fiske, transport av folk eller varer, militære tokt og sjøforsvar, fritidsliv og turisme; oppdaging, forsking og forvalting av havressursar.
Sjøfart er ei gamal næring som har betydd mykje for kystnasjonar som Noreg og vore med på å fremma handel og kulturelle samband mellom kystnasjonar. I nyare tid har tranport både av råvarer som olje, malm og trevirke og ferdigvarer som bilar og elektronikk auka kraftig.