![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6a/323._Fra_Sildfiske_-_no-nb_digifoto_20140819_00007_blds_06954.jpg/640px-323._Fra_Sildfiske_-_no-nb_digifoto_20140819_00007_blds_06954.jpg&w=640&q=50)
Sildefiske
From Wikipedia, the free encyclopedia
Sildefiske er fiske etter sild (Clupea harengus), ein art som lever pelagisk i stimar i dei nordlege delane av Atlanterhavet og Stillehavet. På grunn av rike førekomstar med sesongvise innsig av enorme stimar nær kysten visse stader, har det vore forholdsvis lett å fanga store mengder der. Det har også blitt drive havfiske. Sildefisket har hatt mykje å seia for økonomi og mattilgang i ulike land i fleire hundreår.
![Thumb image](http://upload.wikimedia.org/wikipedia/commons/thumb/6/6a/323._Fra_Sildfiske_-_no-nb_digifoto_20140819_00007_blds_06954.jpg/640px-323._Fra_Sildfiske_-_no-nb_digifoto_20140819_00007_blds_06954.jpg)
Sildefisket, særleg basert på norsk vårgytande sild (storsild, vårsild, feitsild og småsild), har i lange periodar vore det viktigaste norske fisket.[1] Vintersildfisket etter vårgytande sild går hovudsakleg føre seg langs Møre- og Nordlandskysten frå januar til mars med ringnot, trål og garn[1] på 20–500 meters djup. Bestanden av fisk har variert sterkt med rike og fattige tidsperiodar over mange tiår. Overfiske førte til kvoteregulert fangst frå midten av 1960-åra. I 1970 var praktisk talt heile gytebestanden borte, men tok seg seinare opp igjen.
Sild har stor næringsverdi og blir mellom anna konservert frosen eller salta. Norsk sild blir eksportert fyrst og fremst til Europa og Japan.