Per Daniel Holm

Per Daniel Holm^[1] (fødd 11. september 1835 i Malingsbo, daud 7. august 1903 i Stockholm) var ein svensk målar kjend for landskapsmåleria sine.

Saggat-träsk, Kvikkjokk (1861)

Per Daniel Holm
Statsborgarskap	Sverige
Fødd	11. september 1835 Malingsbo församling
Død	7. august 1903 (67 år) Stockholm, Jakob och Johannes församling
Yrke	kunstmålar
Sjanger	landskapsmåleri
Medlem av	Det kongelege svenske kunstakademiet
Per Daniel Holm på Commons

Liv

Holm var son av Alexander Holm, som var kyrkoherde i Järnboås församling, og Christina Elisabeth Askergren.

Han var elev ved Teknologiska institutet til 1855, og var maskinteikna ved Köping-Hults jernbane i 1856. Kort tid seinare blei han teikna ved Vetenskapsakademien sitt zoologiske museum. 1858–63 var han elev ved Konstakademien, der han studerte landskapsmåleri hjå Nils Andersson. Han drog også på studiereiser i Nord-Sverige og Noreg. I 1862 vann han ein kongeleg medalje for eit landskapsbilde frå Lappland. 1864–67 studerte han i Düsseldorf, München, Karlsruhe og Paris. I 1871 blei Holm medlem av Konstakademien. Han bei utnemnd til viseprofessor i 1873 og professor i 1881. Same året blei han konservator ved Nationalmuseum i Stockholm. I 1900 gjekk han av som professor.

Verk

Norrländskt kustlandskap med kvinna på väg av Per Daniel Holm (1864).

Holm er kjend for skisser og måleri av natur frå Bergslagen, Norrland og Lappland. Av oljemåleria hans eig den svenske staten Landskap från Kvickjock (1869, deponert i Uppsala universitetshus), Utsikt i Nora bergslag (1869, deponert i riksdagshuset) og Svenskt skogslandskap (1870, Nationalmuseum^[2]). Han er representert i Stadsmuseet i Stockholm.

Holm laga også teikningar til fergetrykka i C.A. Pettersson sitt verk Lappland (1864-1966).

Kjelder

1. Jonas Gavel: Per Daniel Holm i Svenskt biografiskt lexikon (1971-1973)
2. Nationalmuseum

• Denne artikkelen bygger på «Per Daniel Holm» frå Wikipedia på svensk, den 5. oktober 2019.

Bakgrunnsstoff

Commons har multimedium som gjeld: Per Daniel Holm