![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3b/P._P._Arnold%252C_July_02_2006.jpg/640px-P._P._Arnold%252C_July_02_2006.jpg&w=640&q=50)
P.P. Arnold
amerikansk songar / From Wikipedia, the free encyclopedia
Patricia Ann Cole (fødd 3. oktober 1946),[1] med artistnamnet P.P. Arnold, er ein USA-amerikansk soulsongar som hadde stor suksess i Storbritannia i 1960-åra og frametter.
P.P. Arnold | |||
![]() P.P. Arnold på Roskildefestivalen i juli 2006 | |||
Fødd | 3. oktober 1946 (77 år) | ||
---|---|---|---|
Fødestad | Los Angeles, California i USA | ||
Fødenamn | Patricia Ann Cole | ||
Alias | Pat Arnold | ||
Opphav | USA | ||
Aktiv | Sidan 1966 | ||
Sjanger | Rock, pop, soul, bluesrock, gospel | ||
Instrument | Vokal | ||
Tilknytte artistar | Ike & Tina Turner, Barry Gibb, The Nice, Small Faces, Rod Stewart, Freddie King, Catch My Soul, Roger Waters, The Who, Eric Clapton, Starlight Express, David Bowie, The Kinks, Ocean Colour Scene | ||
Plateselskap | Immediate Records | ||
Verka som | Musikar | ||
Sambuar med | Mick Jagger |
Ho byrja karrieren som songar og dansar for Ike & Tina Turner Revue, men slutta i bandet i 1966 då dei var på turné i Storbritannia og vart verande i London der ho starta ein solokarriere. Ho turnerte med Small Faces på slutten av 60-taet og song korvokal på to av dei største hittane deira, «Itchycoo Park» og «Tin Soldier». I denne tida song ho òg duett med Rod Stewart på singelen «Come Home Baby» (produsert av Mick Jagger) og Chris Farlowe. Ho hadde fleire hittar på slutten av 60-åra, mellom anna med ein versjon av Cat Stevens-songen «The First Cut Is the Deepest» og «Angel of the Morning».[2]
I 1970 byrja ho å spele i musikalar, mellom anna Catch My Soul. Ho song mykje som studiomusikar og song korvokal, mellom anna på albumversjonen av Jesus Christ Superstar og med artistar som Nick Drake, Dr. John, Graham Nash, Gary Wright, Manassas, Nektar, Jimmy Witherspoon, Nils Lofgren og Eric Burdon.[3] Ho turnerte med Eric Clapton i 1970-åra.
I 1980-åra song ho korvokal for Peter Gabriel på hitten «Sledgehammer». Etter dette samarbeidde ho med The Beatmasters på acid house-hiten «Burn It Up», som nådde 14. plassen i Storbritannia i oktober 1988. Seint i 1980- og i 1990-åra song ho korvokal for The KLF, Nina Hagen, Roger Waters (Amused To Death) og Graham Parker. Ho turnerte mykje Roger Waters frå 1999 og inn i 2000-åra.