![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bb/Kinsarvik_i_Vartdal_kyrkje.jpg/640px-Kinsarvik_i_Vartdal_kyrkje.jpg&w=640&q=50)
Lars Kinsarvik
From Wikipedia, the free encyclopedia
Lars Trondson Kinsarvik (8. september 1846–21. juni 1925) var ein norsk treskjerar, folkehøgskulemann, opplysingsmann, spelemann, diktar og målmann.[1] Han vart fødd i Kinsarvik i Hardanger og gjekk på Bergens tegneskole frå 1865. Han var i to vintrar elev hjå Anders Askevold. Han dreiv ei tid med kunst- og dekorasjonsmåling, men fann etterkvart ut at særgjevnaden hans var treskurd. Han søkte seg attende til den norske folkekunsten frå mellomalderen, og skapte ei atterføding av den norrøne ornamentikken. Han dreiv skule i treskurd i Hardanger i 1886-89, så med statsstøtte i Ørsta og Volda i perioden 1905-17. Han tok etter kvart på seg fleire dekorasjonsoppdrag i kyrkjer. Frå 1907-15 skar og måla han til 13 kyrkjer i området Nordfjord til Trøndelag. Han fekk årleg statsstipend frå 1899, og livsvarig pensjon frå 1917.
Lars Kinsarvik | |
Statsborgarskap | Noreg |
Fødd | 8. september 1846 Kinsarvik |
Død | |
Yrke | bilethoggar, kunstmålar, treskjerar |
Lars Kinsarvik på Commons |
![Thumb image](http://upload.wikimedia.org/wikipedia/commons/thumb/b/bb/Kinsarvik_i_Vartdal_kyrkje.jpg/640px-Kinsarvik_i_Vartdal_kyrkje.jpg)
![Thumb image](http://upload.wikimedia.org/wikipedia/commons/thumb/8/8d/Kinsarvik_Lars_and_Arne_memorial_Volda.jpg/640px-Kinsarvik_Lars_and_Arne_memorial_Volda.jpg)
I 1860-åra skreiv han dikt og prosa i målbladet Svein Urædd. Han gav frå hausten 1874 og ei tid framover ut målbladet Måltrosten, men skreiv seinare for det meste i bygdeblad.[2]
Lars Kinsarvik vart råka av ein alvorleg augesjukdom. Frå 1917 var han heilt blind. Han flytte attende til heimbygda Kinsarvik og budde der til han døydde.