Kastós
From Wikipedia, the free encyclopedia
Kastós (gresk Καστός) er ei øy i Hellas og Dei joniske øyane. Ho har 40 innbyggjarar (2021). Fram til 1970-åra var øya administrert av prefekturet Kefaloniá, men vart så ein del av prefekturet Levkáda. Tidlegare var øya eigen kommune, men frå 2011 er øya ein del av Levkáda kommune i periferieininga Levkáda i periferien Dei joniske øyane.[2] Den næraste øya er Kálamos, medan fastlandet om lag ligg 5 km nordaust.
Kjappe fakta Kastós Lokalt namn Καστός, Geografi ...
Kastós Lokalt namn Καστός | |
---|---|
Geografi | |
Stad | Det joniske havet |
Koordinatar | 38°34′N 20°55′E |
Øygruppe | Dei joniske øyane
|
Areal | 5,5 km²
|
Administrasjon | |
Land | Hellas |
Periferi Periferieining | Dei joniske øyane Levkáda |
Største busetnad | Kastós (40 innb.)
|
Demografi | |
Folketal | 40 (2021[1]) |
Folketettleik | 11 /km² |
Lukk
Øya har berre ein busetnad, som òg heiter Kastós. Han ligg på austkysten av øya. Øya ligg parallelt med den større øya Kálamos og ein djup kanal går mellom dei to. Øya er 7 km lang frå nord til sør, og på det breiaste opp mot 800 meter. Det høgaste punktet på øya er 142 meter.