![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/eb/Stort_b%25C3%25A5l_sankthans.jpg/640px-Stort_b%25C3%25A5l_sankthans.jpg&w=640&q=50)
Jonsok
From Wikipedia, the free encyclopedia
Jonsok (ei samandraging av jonsvoke), òg kalla sankthans eller jonsmesse, er den 24. juni. Ved jonsok er det vanleg mange stader i Nord-Europa å feire midtsommar. Mange stadar vert det brent bål på jonsokaftan den 23. juni. På primstaven er jonsok gjerne merkt av med ei krone, ein kross, ein ljå eller eit tre.
![Thumb image](http://upload.wikimedia.org/wikipedia/commons/thumb/e/eb/Stort_b%C3%A5l_sankthans.jpg/640px-Stort_b%C3%A5l_sankthans.jpg)
Foto: Malene Thyssen, 23. juni 2005
Namnet jonsok kjem av det norrøne jónsvaka, av Jon, som er ei forkorting av Johannes. St. Hans er ei forkorting av Sankt Johannes' dag. I den katolske kyrkja er den 24. juni minnedag for Johannes døyparen.
Jonsokbålet blir også kalla «brise», «brising» eller «briseld» - i følge Ivar Aasen «især Lystild som optændes på et høit Sted for at sees i Frastand.»[1]