Jizan- eller Jazan-regionen (arabisk جازان, romanisert Jāzān) er den nest minste regionen i Saudi-Arabia. Han strekkjer seg kring 300 km langs sørkysten av Raudehavet, like nord for Jemen. Han dekkjer eit område i 13 457 km² og eit folketal på 1 567 547 i 2017. Hovudbyen er Jazan.
| Jazan | |||
| جازان | |||
| Region | |||
 Foto: Bandar Yuosef | |||
| Land |  Saudi-Arabia | ||
|---|---|---|---|
| Del av | Regionar i Saudi-Arabia | ||
| Hovudstad | Jazan | ||
| Areal | 13 457 km² | ||
| Folketal | 1 567 547 (2017) | ||
| Postnummer | 09 | ||
 Jizan-regionen 17.5°N 42.5°E | |||
 Kart som viser Jizan-regionen.
| |||
| Wikimedia Commons: Jazan Province | |||
Regionen omfattar over 100 øyar i Raudehavet. Jazan er det fattigaste området i Saudi-Arabia, og 34 % av dei saudiarabiske familiane i Jazan lever i fattigdom.[1] Farasanøyane, det første verneområdet i Saudi-Arabia, er heimstad for den utryddingstruga arabiske gasellen og om vinteren mange trekkfuglar frå Europa.
Geografi
Regionen er delt inn i tre område.
- Det indre fjellområdet Al-Sarawat, som stig til kring 3000 meter over havet.
- Skogområdet Alhazoun består av skogar og frodige marker.
- Slettene som er kjende for produksjon av kaffibønner, kornavlingar og frukt.
Sjølv om klimaet i høglandet liknar det relativt våtare klimaet i 'Asir, vert kystområda i Jazan-provinsen rekna som ein del av Tihamah, og er truleg det varmaste området i landet, med ein normal maksimumstemperatur som varierer frå 40 °C i juli til 31 °C i januar. Høg råme frå kystlagunane gjer at klimaet er enno meir ubehageleg. Det kjem særs lite nedbør her, mindre enn 75 mm i året. Sabya ligg i midten av regionen, mellom fjella og kysten.
Inndeling
Regionen er vidare delt inn i 14 guvernement som følgjer:
| Namn | Arabisk namn | Folketeljing
15. september 2004 |
Folketeljing
20. oktober 2015 |
|---|---|---|---|
| Abu Arish | ريش | 123 943 | 197 112 |
| Alddair | الدائر | 49 239 | 59 494 |
| Alddarb | الدرب | 52 062 | 69 134 |
| Ahad Almasarihah | أحد المسارحة | 70 038 | 110 710 |
| Alaridah | العارضة | 62 841 | 76 705 |
| Alaydabi | العيدابي | 52 515 | 60 799 |
| Alharth | الحرث | 47 073 | 18 586 |
| Alraith | الريث | 13 406 | 18 961 |
| Baish | بيش | 58 269 | 77 442 |
| Damad | ضمد | 62 366 | 71 601 |
| Farasan | فرسان | 13 962 | 17 999 |
| Jazan | جازان | 255 340 | 157 536 |
| Sabya | صبياء | 198 086 | 228 375 |
| Samtah | صامطة | 128 447 | 201 656 |
| Total provins | جازان | 1 187 587 | 1 365 110 |
Kjelder
Bakgrunnsstoff
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
