Hurrungane
From Wikipedia, the free encyclopedia
Hurrungane (eller Hurrungene, Hurrungadn, Horungane) er eit fjellområde på grensa mellom Luster og Årdal kommune i Vestland. Området ligg sørvest i Jotunheimen, og inkluderer Skagastølstindane, Styggedalstindane, Dyrhaugstindane, Maradalstindane, Austanbotntindane, Soleibotntindane med fleire.
![Thumb image](http://upload.wikimedia.org/wikipedia/commons/thumb/5/55/Hurrungane%2C_1990.jpg/640px-Hurrungane%2C_1990.jpg)
Hurrungane | |||
fjellområde | |||
Hurrungane sett mot vest. Skagastølstindane er høgste topp ein ser i bilete | |||
Land | ![]() | ||
---|---|---|---|
Område | Luster (Vestland) | ||
Fjellkjede | Jotunheimen | ||
Høgd | Store Skagastølstind: 2 405 moh. | ||
Koordinatar | 61°27′N 07°51′E | ||
![]() Hurrungane 61.4°N 7.75°E / 61.4; 7.75 | |||
Wikimedia Commons: Hurrungane | |||
Området har mange av dei villaste toppane i Noreg og 23 toppar over 2000 moh. (med primærfaktor på 30 m eller meir). Mange av toppane kan ein berre nå med fjellklatring eller vandring på bre, men det finst òg nokre som ikkje gjer det.
Hurrungane har daler som i hovudsak går nord-sør. Dei største dalane er Skagadalen, Ringsdalen, Gravdalen, Stølsmaradalen, Midtmaradalen, Maradalen. Hurrungane er grovt sett avgrensa av Utladalen mot sør og aust, av Helgedalen og Bergsdalen mot nord og Berdalsbandet mot vest.
Ei rekkje mindre, alpine isbrear ligg i området. Dei største er Jervvassbreen, Styggedalsbreen, Skagastølsbreen, Ringsbreen, Berdalsbreen, Stølsmaradalsbreen, Midtmaradalsbreen, Slingsbybreen og Maradalsbreen. I tillegg finst det fleire mindre botnbrear.