Evanger stasjon
stasjon på Bergensbanen (Vossebanen) / From Wikipedia, the free encyclopedia
Evanger stasjon ligg i Evanger i Voss herad i Vestland og er ein stasjon på Bergensbanen. Han vart opna i 1883 som del av Vossabanen. Det er lokaltoga på strekkja Bergen-Voss-Myrdal som stoppar på stasjonen. Frå 1894 til 1917 vart stasjonsnamnet skrive Ævanger.[1]
Evanger stasjon | |
Stasjonsområde | |
---|---|
Stad | Evanger, Voss (Vestland) |
Koordinatar | 60°38′49″N 6°6′33″E |
Distanse | 403, 66 km frå Oslo |
Høgd | 15,5 moh. |
Opna | 1883 |
Arkitekt | Balthazar Lange |
Linjer og rutedrift | |
Linje(r) | Bergensbanen |
Eigar(ar) | Bane NOR |
Operatør(ar) | Vy Tog |
Overgang | |
Evanger ligg mellom Seimsgrend haldeplass og Jørnevik haldeplass, 403, 66 km frå Oslo.
Stasjonsbygningen vart teikna av Balthazar Lange, og vart oppført etter ein typeteikning kalla fjerde klasse som også vart nytta til Nesttun stasjon (sidan flytt til Ygre stasjon), Haukeland stasjon, Arna gamle stasjon, Trengereid stasjon, Stanghelle stasjon, Dale stasjon (sidan flytt til Reimegrend stasjon), Bolstadøyri stasjon og Bulken stasjon på Vossabanen.[2] Då Bergensbanen opna vart mange av desse stasjonsbygningane forlenga.