Dale stasjon

Dale stasjon ligg i Dale i Vaksdal kommune i Vestland og er ein stasjon på Bergensbanen. Han vart opna i 1883 som del av Vossabanen. I tillegg til lokaltoga på strekkja Bergen-Voss-Myrdal stoppar nokre fjerntog ved stasjonen.

Dale stasjon
Stasjonsområde
Stad	Dale, Vaksdal (Vestland)
Koordinatar	60°35′11″N 5°48′56″E
Distanse	425,29 km frå Oslo
Høgd	43,4 moh.
Opna	1883
Arkitekt	Balthazar Lange
Linjer og rutedrift
Linje(r)	Bergensbanen
Eigar(ar)	Bane NOR
Operatør(ar)	Vy Tog
Overgang
Dale stasjon

Dale ligg mellom Bolstadøyri stasjon og Stanghelle stasjon, 425,29 km frå Oslo.

Stasjonsbygningen som vart reist til opninga av Vossabanen vart teikna av Balthazar Lange, og vart oppført etter ein typeteikning kalla fjerde klasse som også vart nytta til Nesttun stasjon (sidan flytt til Ygre stasjon), Haukeland stasjon, Arna gamle stasjon, Trengereid stasjon, Stanghelle stasjon, Bolstadøyri stasjon, Evanger stasjon og Bulken stasjon på Vossabanen. Då Bergensbanen skulle opnast var stasjonen i Dale vorten for liten, og han vart flytt til Reimegrend stasjon. Til erstatning vart stasjonen på Voss, som var vorten for liten der, teken ned og flytt til Dale. Også den var teikna av Balthazar Lange.^[1]

Fotnotar

1. Eivind Hartmann, Øistein Mangset, Øyvind Reisegg (1997). Neste stasjon : En guide til jernbanens arkitekturhistorie. Oslo: Gyldendal. s. 141. ISBN 8205252947. CS1 maint: Multiple names: authors list (link)

Bakgrunnsstoff

• «Dale» på nettstaden til Jernbaneverket Arkivert 2011-08-15 ved Wayback Machine.
• «Dale» i Stasjonsdatabasen til Norsk Jernbaneklubb
• Den fyrste stasjonsbygning fotografert i byrjinga av 1880-åra
• Dale stasjon i kulturminnesok.no, nettstaden til Riksantikvaren