Erik Solheim

Erik Solheim (fødd 18. januar 1955 i Oslo) er ein norsk diplomat og tidlegare politikar for SV. Han er leiar for miljøprogrammet til SN og assisterande generalsekretær i SN frå 2016.^[1]

Denne artikkelen handlar om politikaren Erik Solheim. For miljøvernaren og lektoren, sjå Erik Solheim (1947-).

Erik Solheim
Fødd	18. januar 1955 (69 år) Oslo
Statsborgar av	Noreg
Parti	Sosialistisk Venstreparti, Miljøpartiet Dei Grøne (august 2019)
Yrke	politikar, diplomat
Utdanna ved	Universitetet i Oslo Oslo katedralskole
Alle verv	Norsk utviklingsminister (2005–2012) Norsk miljøvernminister (2007–2012) stortingsrepresentant (1989–1993) stortingsrepresentant (1993–1997) stortingsrepresentant (1997–2001) partileiar (Sosialistisk Venstreparti, 1987–1997)

Liv og virke

Utdanning

Solheim er utdanna cand.mag. med faga historie og sosiologi.

Valobservatør

Solheim har vore valobservatør i Russland, Georgia, Kviterussland og Ukraina. I tillegg til engasjement for fred og konfliktløysing har Solheim alltid vore svært oppteken av miljøspørsmål, og han var mellom anna med på SN sin miljøkonferanse i Rio i 1992. I utviklingspolitikken har han, i tillegg til fred og miljø, vore oppteken av kvinner og likestilling, samt olje- og energispørsmål.

Politisk karriere

Solheim var leiar i Sosialistisk Ungdom i åra 1977–1980, partisekretær i SV frå 1981 til 1985, og leiar for SV i perioden mellom 1987 og 1997. Han var stortingsrepresentant frå Sør-Trøndelag i perioden 1989–1993, og frå Oslo i perioden 1993–2001. Den personlege rådgjevaren til Solheim då han var SV-leiar og stortingsrepresentant var i fleire år Thor Gjermund Eriksen, som seinare vart redaktør i Dagbladet. Som SV-leiar etterfølgde han Theo Koritzinsky, og vart sjølv etterfølgd av Kristin Halvorsen.

Frå våren 2000 hadde han permisjon frå Stortinget for å vere spesialrådgjevar for det norske Utanriksdepartementet på Sri Lanka. Målet var å arbeide fram ein fredsavtale mellom styresmaktene i landet og LTTE. Vararepresentanten hans i utanrikskomitéen på Stortinget var i denne perioden Lisbet Rugtvedt.

Den 17. oktober 2005 vart han utnemnd til statsråd i Regjeringa Stoltenberg II med ansvar for utviklingssaker (utviklingsminister). Hausten 2007 fekk han òg ansvaret for Miljøverndepartementet. Han gjekk av som minister i 2012.

Kjelder

• «Erik Solheim». Stortinget.no.

• Denne artikkelen bygger på «Erik Solheim» frå Wikipedia på bokmål, den 14. april 2010.

Referansar

1. Tore Gjerstad (2. mai 2016). «Erik Solheim blir FN-topp». Dagens næringsliv. Henta 13. juli 2017.

Bakgrunnsstoff

Commons har multimedium som gjeld: Erik Solheim

Denne politikkartikkelen er ei spire. Du kan hjelpe Nynorsk Wikipedia gjennom å utvide han.