![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ef/Tiruvannamalai_Temple.jpg/640px-Tiruvannamalai_Temple.jpg&w=640&q=50)
Dravidisk arkitektur
From Wikipedia, the free encyclopedia
Dravidisk arkitektur er ein byggjeskikk som oppstod i Sør-India og spreidde seg til påverka område i Sri Lanka, Maldivane og Søraust-Asia. Han blei støtta og utvikla under rike som Tsjalukya (500-1100-talet), Pallava (600-900-talet), Tsjola (900-1150), Hoysala (1100-1350) og Vijayanagara (1350-1565).
![Thumb image](http://upload.wikimedia.org/wikipedia/commons/thumb/e/ef/Tiruvannamalai_Temple.jpg/640px-Tiruvannamalai_Temple.jpg)
![Thumb image](http://upload.wikimedia.org/wikipedia/commons/thumb/9/9e/COLLECTIE_TROPENMUSEUM_Badende_en_wassende_mensen_in_een_rivier_bij_de_Candi_Lara_Jonggrang_oftewel_het_Prambanan_tempelcomplex_TMnr_20026902.jpg/640px-COLLECTIE_TROPENMUSEUM_Badende_en_wassende_mensen_in_een_rivier_bij_de_Candi_Lara_Jonggrang_oftewel_het_Prambanan_tempelcomplex_TMnr_20026902.jpg)
![Thumb image](http://upload.wikimedia.org/wikipedia/commons/thumb/6/65/Angkor_Wat_ausSO.jpg/640px-Angkor_Wat_ausSO.jpg)
Det er mogleg å skilja mellom nordindisk nagara-arkitektur og sørindisk dravidisk arkitektur frå 600-talet.[1] Arkitekturen omfattar hovudsakleg tempel og er kjenneteikna av pyramiderforma tårn av sandstein, kleberstein eller granitt. Fleire av templa er skorne ut direkte i berget, andre er bygd opp av stein. Byggverka kan vera pryda med utskjeringar, men eit tidleg dravidisk tempel, Kailashnath ved Kanchi, har eit lineært og lite dekorert preg.
Ein finn døme på dravidisk arkitektur i dagens Tamil Nadu, Karnataka, Kerala, Telangana og Andhra Pradesh, nokre stader i Nord-India og i kompleks som Angkor Vat i Kambodsja og Prambanan på Java i Indonesia.
I tillegg til kompleksa nemnde over er nokre av dei fremste døma på denne arkitekturen kysttempelet ved Mamallapuram (ca. år 670), Brihadisjvara-tempelet i Thanjavur (ca. 1010), Airavatesvara-tempelet i Darasuram (1146), Keshava Vishnu-tempelet i Somnathpur (1270) og Minaksji-tempelet i Madurai (1660).[1]
Dravidisk arkitektur er nemnd som ein av tre stilar for tempelarkitektur i den eldgamle arkitekturboka Vastusjastra.
![Utsyn over Minaksji-tempelkomplekset i Madurai.](http://upload.wikimedia.org/wikipedia/commons/thumb/e/e9/An_aerial_view_of_Madurai_city_from_atop_of_Meenakshi_Amman_temple.jpg/640px-An_aerial_view_of_Madurai_city_from_atop_of_Meenakshi_Amman_temple.jpg)