«Beg, Steal or Borrow» ('tigge, stele eller låne') er ein britisk popsong som var det britiske bidraget i Eurovision Song Contest 1972. Songen vart framført på engelsk av popgruppa The New Seekers. Melodi og tekst var skrivne av Tony Cole, Steve Wolfe og Graeme Hall. Songen enda på andreplass i Eurovision Song Contest, og vart ein hit i delar av Europa etter tevlinga. I Noreg toppa songen VG-lista i åtte veker, og er blant dei mest suksessrike Eurovision-bidraga i Noreg, målt ut frå VG-lista.[2]
«Beg, Steal or Borrow» Song av The New Seekers | ||
Land | Storbritannia | |
Språk | Engelsk | |
Utgjeve | 1972 | |
Sjanger | Pop, slager | |
Lengd | 02:45 | |
Selskap | Polydor og Philips[1] | |
Låtskrivar(ar) | Tony Cole, Steve Wolfe, Graeme Hall | |
---|---|---|
Produsent | David Mackay | |
Om songen
«Beg, Steal or Borrow» vender seg til ein tidlegare kjærast. Dei to elskande skulle vere saman og at det kunne bli naudsynleg å «tigge, stele eller låne» («beg, steal or borrow») for «Eg bringer deg kjærleik» («I'll bring you love»). Det er ein kjærleikssong.
I Eurovision Song Contest vart «Beg, Steal or Borrow» framført som det femte bidraget om kvelden 23. mars 1972, etter spanske Jaime Morey med «Amanece», og før Noregs Grethe Kausland og Benny Borg med «Småting».
Då avrøystinga var ferdig, hadde «Beg, Steal or Borrow» fått 114 poeng og fekk ein andreplass blant atten deltakarar.
The New Seekers spela også inn «Beg, Steal or Borrow» på single. Produsent var David Mackay.
Listeplasseringar
Liste (1972) | Høgaste plassering |
Veker på lista |
Debutdato |
---|---|---|---|
Belgia, Flandern (Ultratop)[3] | 9 | 10 | 1. april 1972 |
Belgia, Vallonia (Ultratop)[4] | 12 | 9 | 15. april 1972 |
Irland (Irish Singles Chart)[5] | 3 | 8 | 4. mars 1972 |
Nederland (Single Top 100)[6] | 3 | 8 | 1. april 1972 |
Noreg (VG-lista)[7] | 1 | 17 | Uke 14, 1972 |
Storbritannia (UK Singles Chart)[8] | 2 | 13 | 4. mars 1972 |
Tyskland (Offizielle Deutsche Charts)[3][9] | 5 | 17 | 10. april 1972 |
Sveits (Schweizer Hitparade)[10] | 5 | 9 | 18. april 1972 |
Kjelder
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.