![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5b/Edward_S._Curtis_Collection_People_008.jpg/640px-Edward_S._Curtis_Collection_People_008.jpg&w=640&q=50)
Anorakk
From Wikipedia, the free encyclopedia
Ein anorakk (frå grønlandsk[1]) eller parkas (truleg opphavleg frå nenetsisk og russisk[2]) er ei vindtett jakke med hette og utan opning framme. Plagget er oppfunne av inuittar, som brukte det utandørs, til dømes når dei jakta eller reiste i kajakk. Anorakken vernar godt mot kulde på mange minusgrader, og blei fort teken i bruk av folk som vitja polarområda.
![Thumb image](http://upload.wikimedia.org/wikipedia/commons/thumb/5/5b/Edward_S._Curtis_Collection_People_008.jpg/640px-Edward_S._Curtis_Collection_People_008.jpg)
Dei opphavlege anorakkane er laga av varmt skinn, til dømes frå sel, og fôra med pelsverk. Det blei regelmessig behandla med fiskeolje for å halda seg vasstett. Moderniserte anorakkar er laga av vasstett tøy, men har gjerne skinn rundt hettekanten for å verna fjeset mot kald vind.