From Wikipedia, the free encyclopedia
Abimelek er eit namn som går att i Den hebraiske bibelen. Det viser til to filistarkongar og ein israelitt, i tillegg til ein bruk i Salmane der det kan visa til filistarkongen Akisj.
Dommaren Abimelek er son av Gideon,[7] og prøver etter at faren er død urettmessig å gjera seg sjølv til konge. Han sørgar for å drepa 69 av brørne sine, bortsett frå Jotam, som kjem unna. I tre år kjempar han for styret sitt, men til slutt døyr han i kamp etter at ei kvinne kastar ein kvernstein i hovudet på han.[8]
Salme 34 blir omtalt som «Av David, då han bar seg som galen hos Abimelek, så han vart jaga bort og gjekk sin veg».[9] Omtalen passar med det som skjer hjå kong Akisj av Gat som er omtalt i 1. Samuelsbok.[10] Denne boka omtalar også ein «Ahimelek».
Kong Abimelek av Gerar er nemnd i kristen apokryf litteratur som Kitab al-Magall, Skattehola og den orientalske Adamsboka som ein av 12 småkongar på Abraham si tid. Han skal ha bygd Jerusalem for Melkisedek.
Abimelech er eit oratorium på engelsk skrive av Christopher Smart og tonesett av Samuel Arnold. Det blei først framført i London i 1768, og i revidert versjon i 1772. Oratoriet fortel soga om Abraham, Sara og kong Abimelek med vekt på sjalusi og truskap mellom ektefolk.
I Saint-Saëns sin opera Samson et Dalila frå 1877 er Abimélech ein satrap av Gaza.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.