काठमाडौँका प्रमुख, र्यापर तथा इन्जिनियर From Wikipedia, the free encyclopedia
बालेन शाह (वास्तविक नाम: बालेन्द्र शाह; जन्म: २०४७ वैशाख १४) वि.सं. २०७९ साल जेठदेखि काठमाडौँको नगरप्रमुख रूपमा सेवारत एक नेपाली राजनीतिज्ञ हुन्। उनी र्यापर, सङ्गीत निर्माता, गीत लेखक, निर्देशक र संरचनात्मक इन्जिनियर पनि हुन्।
बालेन शाह | |
---|---|
![]() बालेन २०७९ मा | |
१५ औं काठमाडौँको नगरप्रमुख | |
पद बहाली १६ जेष्ठ २०७९[1] | |
राष्ट्रपति | विद्यादेवी भण्डारी रामचन्द्र पौडेल |
प्रधानमन्त्री | शेरबहादुर देउवा पुष्पकमल दाहाल |
सहायक | सुनिता डंगोल (उपप्रमुख) |
पूर्वाधिकारी | विद्यासुन्दर शाक्य |
व्यक्तिगत विवरण | |
जन्म | बालेन्द्र शाह २७ अप्रिल १९९० काठमाडौँ, नेपाल |
नागरिकता | नेपाल |
राजनीतिक दल | स्वतन्त्र |
जीवन साथी | सविना काफ्ले |
निवास | काठमाडौँ |
मातृ शिक्षाप्रतिष्ठान | विश्वेश्वरय्या प्रौद्योगिकी विश्वविद्यालय |
पेशा | र्यापर, सङ्गीत निर्माता, गीत लेखक, निर्देशक र स्ट्रकचरल इन्जिनियर |
बालेन शाहको जन्म वि.सं. २०४७ वैशाख १४ गते नरदेवी, काठमाडौँमा रैथाने मधेशी परिवारमा भएको थियो र उनको न्वारनको नाम बालेन्द्र शाह हो।[2] उनी आयुर्वेदिक चिकित्सक डा. रामनारायण शाह र उनकी दोस्रो पत्नी ध्रुवदेवी शाहका कान्छा छोरा हुन्।[3][4] बालेनको पुख्र्यौली घर महोत्तरी जिल्लाको एकडारा गाउँपालिकामा पर्दछ भने[3] मामाघर धनुषा जिल्लाको जमुनिवास– ४ मा पर्दछ।[3] शाहका हजुरबुवा मुनिलाल शाह एक जमिन्दार थिए।[3] उनको परिवार अहिले त्रिभुवन विमानस्थल नजिकै रहेको तीनकुनेको गैरीगाउँमा बस्छन्।[5]
उनले ह्वाइट हाउस इन्स्टिच्युट अफ टेक्नोलोजीबाट सिभिल इन्जिनियरिङमा स्नातक र भारतको कर्नाटकमा स्थित विश्वेश्वरय्या प्रौद्योगिकी विश्वविद्यालयबाट स्ट्रक्चरल इन्जिनियरिङमा स्नातकोत्तर गरेका छन्। उनी आफ्नो पेशाको क्रममा देशका ६५ वटा जिल्ला भ्रमण गरेको एक कार्यक्रममा बताएका थिए।[2] २०७२ सालको महाभूकम्पपछि उनले उद्धार र राहतको काममा सक्रिय भएर समाजसेवीको रूपमा नक्सा बनाउने कार्य गरेका थिए।[2] उनले सबिना काफ्लेसँग विवाह गरेका छन्। शाहकी श्रीमती पेसाले जनस्वास्थ्यकर्मी छिन्।[6]
सानैदेखि बालेनको रुचि सङ्गीत र कवितामा थियो।[6] उनले आफ्नो पहिलो गीत "सडक बालक" वि.सं. २०६९ मा गाएका थिए र याे गीत उनले कक्षा ९ मा हुँदा लेखेका थिए।[7][8]
र्याप र इन्जिनियरिङसँगै उनले नेपालको राजनीतिमा पनि रुचि राखेका थिए।[6] विवेकशील र साझा पार्टी छुट्टिएको बेला उनी विवेकशील पार्टीसम्म पुगेर काठमाडौँको नगर प्रमुखको उम्मेदवारको रूपमा विवेकशीलबाट उठ्न चाहेका थिए।[6] शाह सुरुमा विवेकशील पार्टीप्रति आकर्षित थिए।[6] उनी त्यतिबेला गायकका रूपमा मात्र चिनिन्थे र विवेकशील पार्टीले उनलाई पार्टीमा आउन आग्रह गरेको थियो तर शाहले विवेकशीलको सदस्यता लिएनन्।[6] उनले स्वतन्त्र उम्मेदवारको रूपमा चुनाव लड्ने तयारीमा लागेका थिए।[6][9]
शाहले स्थानीय तह निर्वाचन, २०७४मा मतदान गरेनन् र उनले वि.सं. २०७४ वैशाख ३१ गते आफ्नो फेसबुकमा "मैले आज भोट गरिनँ। म उम्मेदवार थिइनँ। मैले सिभिल इन्जिनियरिङमा स्नातक गरेँ, म स्ट्रक्चरल इन्जिनियरिङको मास्टर्सको आधा बाटोमा छुँ। मलाई देश बनाउन आउँछ। म अर्को पटक भोट गर्छु, र आफैँलाई भोट दिन्छु। म मेरो देशको विकास गर्छु। मलाई अरू कसैको भर लाग्दैन्"। भनी लेखेका थिए[2][7] उनले वि.सं. २०७९ वैशाखमा भएको स्थानीय तह निर्वाचन, २०७९मा काठमाडौँ महानगरपालिकाको मेयरको पदमा चुनाव लड्ने घोषणा गरेका थिए।[10] शाहले आफू ९०,८३५ मत ल्याएर चुनाव जित्ने दावी गरेका थिए।[6] काठमाडौँ महानगरपालिकाको नगरप्रमुख पदमा स्वतन्त्र उम्मेदवारीले उनलाई थप चर्चामा ल्याएको थियो।[10][11] वैशाख ११ गते शाहले आधिकारिक रूपमा उम्मेदवारी दर्ता गरेका थिए र उनको विपक्षमा एमालेबाट केशव स्थापित र कांग्रेसबाट सिर्जना सिंहले उम्मेदवारी दिएका थिए।[10][12] उनलाई वैशाख १७ मा निर्वाचन आयोगले लौरो चुनाव चिह्न दिएको थियो।[13] वैशाख ३० गते सेतोपाटीले प्रकाशित गरेको मत सर्वेक्षणको अनुसार बालेनलाई नगरप्रमुख पदमा ४२% जनताले मतदान दिएको बताएका थिए।[14]
वि.सं. २०७९ जेठ ११ गते उनको जित निश्चित भएको थियो।[15] वि.सं. २०७९ जेठ १२ गते बालेन काठमाडौँको नगरप्रमुखको कार्यालयमा निर्वाचित भए भने उपप्रमुखमा सुनिता डंगोल निर्वाचित भएकी थिइन्।[16][17]
काठमाडौँ | ||||
---|---|---|---|---|
दल | उम्मेदवार | मतदान | प्रतिशत | |
स्वतन्त्र | बालेन शाह | ६१, ७६७ | ३८.६% | |
नेपाली कांग्रेस | सिर्जना सिंह | ३८, ३४१ | २४.०% | |
नेकपा एमाले | केशव स्थापित | ३८, ११७ | २३.८% | |
स्वतन्त्र | सुमन सायमी | १३, ७७० | ८.६% | |
राष्ट्रिय प्रजातन्त्र पार्टी | मदनदास श्रेष्ठ | ५, ७७० | ३.६% | |
अरू | २, १४१ | १.३% | ||
नतिजा | बालेन शाह निर्वाचित | |||
दर्ता भएका मतदाताहरू | ३००,२४२[18] | |||
कुल मतदान | १९१,१८६ | ६३.६८ | ||
कुल मान्य मतहरू | १५९, ९०६ | |||
अस्वीकृत मतपत्रहरू | ३१, २८० | |||
स्रोत : निर्वाचन आयोग |
गीत | टिप्पणीहरू | वर्ष | सन्दर्भ |
---|---|---|---|
"सबै लाई हतार छ" | सन् २०२१ | ||
"स्टे ट्रु" | सन् २०२१ | ||
"बलिदान" | सन् २०२० | ||
"लोकल ठिटो" | सन् २०२० | ||
"सावेज" | सन् २०२० | ||
"आस्तिक" | सन् २०२० | ||
"गोर्खाली तोप" | सन् २०१९ | ||
"मार्फाको मदिरा" | सन् २०१९ | ||
"मन यो उड्यो" | सन् २०१६ | ||
"नेपाल हासेको" | सन् २०१५ | ||
"आम नेपाली बुवा" | सन् २०१३ | ||
"तथ्य" | सन् २०१३ | ||
"सडक बालक" | पहिलो गीत | सन् २०१२ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.