From Wikipedia, the free encyclopedia
Wannepervene (Nederlaans: Wanneperveen) is een dörp in et noordwesten van de Nederlaanse perveensie Overiessel, dat omdebi'j zeuven kilemeter ten westen van Meppel lig en vaalt onder de gemiente Stienwiekerlaand. De naeme Wannepervene wodt in 1284 veur et eerst enuumd in officiële dokementen. Et dörp vierden dan ok in 1984 zien 700-jaorige bestaon.
Wannepervene is een typisch veurbeeld van een lintdörp. Dat komt omdat et vrogger op een hoogveengebied lag, dat op een vaaste menier ontgonnen is vanuut et Meppelerdiep.
De naeme Wannepervene verwiest an de iene kaante naor et vene en an de aandere kaante naor een klein reviertien dat vrogger ter heugte van et dörp leup: wan betekent weinig en epe of apa betekent waeter.
Et dörp lag oorspronkelik veerder naor et westen, mar omdat et laand deur de ontginning te nat wodden, verskeuf et dörp nao de 15e ieuw naor et oosten. D'r wodden doe ok een karke bouwd.
Deur de turfwinning en de turfverkoop an Hollaand gung et mit Wannepervene in de 16e en 17e slim goed. Op een egeven mement was veerdere turfwinning niet meugelik en de bevolking is doe gaon leven van laandbouw en entevaangst, wat leidden tot aarmoede in de 18e eeuw.
Wannepervene was tot 1973 een zelstaandige gemiente. De gemiente gong doe tegere mit Gieteren, Blokziel en Vollenhove op in de gemiente Brederwiede en op 1 jannewaori 2001 is Brederwiede tegere mit de veurmaolige gemienten Stienwiek en Iesselham op-egaon in de ni'je gemiente Stienwiekerlaand.
Een bi'jnaeme veur de inwoners van Wannepervene is toezebollen.
 | Plaatsen in de gemiente Stienwiekerlaand |  | ||||||||||||
|---|---|---|---|---|---|---|---|---|---|---|---|---|---|---|
Oaveriessel · Steden en dörpen in Oaveriessel Nederlaand · Previncies · Gemientes | ||||||||||||||
 |
Dit stok is eskreven in et Stellingwarfs van Stienwiekerlaand. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
