Nederlaand (Nederlaands: Nederland) is een buurtschop in de gemiente Steenwiekerlaand in de Nederlaandse perveensie Overiessel. In 2008 had de buurtschop tien inwoners.[1]
Omgeving
Nederlaand lig in de Weerribben, onderdiel van Nationaol Park De Weerribben-Wieden. Niet wiedof lig et stadtien Blokziel. De buurtschop lig dichtebi'j de N333 tussen Stienwiek en Marknesse. Enkele aandere plaetsen in de buurte bin Baarlo, Kaelenbarg, Moggebiet, Scheerwolde en Wetering.
Et is een veurbield van een vaardörp, dat wil zeggen: de oldste bebouwing is oorspronkelijk via et waeter ontsleuten, niet via een weg.
Deur et plaetsien lopen waandel-, fiets- en kanoroutes. Zowal et Zuderzeepad as et Overiessels Havezatenpad koemen beveurbield deur Nederlaand. Ok mogen meensen d'r graeg schaetsen as d'r netuur-ies lig.
D'r löp iene weg deur Nederlaand, die daor van naem veraandert: de Baarlingerweg wodt de Rietweg. Wieder is d'r een splitsing van twee waeterwegen: de Heer van Diezenvaort (richting Kaelenbarg) en de Roomslote (richting Blokziel). Ok staot d'r een - in et veurjaor van 2010 nog bewoond - eileuvernust.
Vanwege de opmarkelikheid van de naeme wodden de plaetsnaembodden aorig vaeke steulen.[2]
Galleri'je
Plaetsnaembod Nederlaand, 2011
Kiek op Nederlaand
Eileuvernust op Nederlaand
Rifferenties
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
