Hoge Heksel

t Hoge Heksel (Neerlaands:Hoge Hexel) is n döarpken in de gemeente Wierdn, in t westn van Tweante. t Hef ongevear 1000 inwonners.

t Hoge Heksel in Wierdn

Geskiedenisse

De moarke Hoge Heksel was vuur honderden joarn lange ne eegne moarke en is pas op 12 augustus 1654 met de moarke van Wierdn saamn edoan. Zo wördn ze ne dubbele moarke Wierdn en Hoge Heksel. t Oarfmoarkerichterskop van de moarke wör verkocht en köm in haande van de femilie Rechteren Limpurg. t Lear op de Hof te Heksel, t oarve Mensink. t Onmeundige oolde moarkebook met oorkondn oet t 15de joarhoonderd is oet mekoar etrökn en verdeeld oawer t hoesarchief van Almelo.

In de noaberskop Hoge Heksel lear op de greanze tusken Sallaand en Tweante t hoge Haalsrecht van Tweante. Op n Middelhoar leup de bisskopsdiek van Omn en Doarle noar Tweante. Oawer t oale zwarte diekje köm iej via Galgnhoar Tweante binn. Op n Galgnbeelt doar beent nog restn van de oolde galg te zeen. Disse stean woer at leu dood wörn edoan was volgens de verhaaln umgeewn duur heede. t Stukke laand van vieftig bie veer meter woerop at t gebuurn mos was of emarkeerd duur twee ondepe gröppes. De vuurste gröppe was wat körter as n achterstn zodet disse 'gehegene' groond skuuns op leup. Verkloariges van getuugn oet t vieftiende joarhoonderd in t hoesarchief van Almelo doot oawer t oolde hoge haalsrecht van t laandgericht Tweante op de greanze tussen t Hoge Heksel en Doarle, woerbie at de boern van de moarke Hekzeloe verplicht warn t Gericht en de Sweepsgalge te oonderhooldn.

Mooi um te weetn

• n Almelosen komiek Herman Finkers dut zin leed "Beschuit" oawer t Hoge Heksel: Uit t Hoge Hexel komt dit liedje / de titel is "Beschuit" / het is een heel droog liedje / t is zelfs niet mogelijk dat je t fluit.

	Plaatsn in de gemeente Wierdn
	Eanter · Iepeloo · Hoge Heksel · Nötter · Rektum · Sunnoa Oaveriessel · Steden en dörpen in Oaveriessel      Nederlaand · Previncies · Gemientes