دموکراتیک کنفدرالیسم
From Wikipedia, the free encyclopedia
دموکراتیک کنفدرالیسم اتا نظریه هسته عبدالله اوجالان وه ره اینتی تعریف کانده:
« | دموکراتیک کنفدرالیسم اتی لیبرترین-سوسیالیسم هسته که سیاسی جناحون و احزاب وسّه نسبت به باقی ایدئولوژیون بازتر هسته. این تئوری انعطافپذیر، چند فرهنگی، ضدانحصاری و اجماعگرا هسته.[1] | » |
اوجالان، که کوردستون کارگرون حزب (پکک) رهبر بییه، این ایدئولوژی ره اتا زندون دله بساته. وه پیش از اون اتا مارکسیست-لنینیست سازمان ره رهبری کارده که اون گادِر تاسا شه نظرات ره اصلاح هاکردنه. اوجالان این نظریه ره بساتن وسّه خله ماری بوکچین (Murray Bookchin) جه تأثیر بَییته و وشون ایدئولوژی هِدی واری هستنه. [2] دموکراتیک کنفدرالیسمِ اصلی پایهئون اجتماعیمحیط زیست و آنارشیستی فمینیسم هستنه. [3] اوجالان پایهئون دیگه ره کایری دموکراسی (participatory democracy) و شهگردونی در سطح محلی دونده.[4]
این تئوری دله دولت-ملتون بصورت تدریجی ونه رِقِد هِدا بَوون و «گُذِر دوره» دله اجتماعی مسائل و مسائل مربوط به آزادی و عدالت ره ونه بصورت دموکراتیک-کنفدرال حل هاکردن. اگه دولت-ملتها این روند دَم ره بَیرن ونه مسلحونه واکنش سِراق هدائن. (یپگ واری)[5]
ارمونی حالت این هسته که تموم دنیا دله اینتی حکومتون بوجود بئن و وشون اتی «انجمن» بسازن که متحد ملل سازمان جا ره بَیره و اتی پلتفرم هاده که مدنیآزادیون ره باوّه؛ البته این سیستمِ تمرکز ویشته محلی حکومتون سَر دَره و جهونی سطح آخرین مراحل هسته.[6]