ایسلند
From Wikipedia, the free encyclopedia
ایسلند ِجمهوری اروپای ِشمالیترین کشور هسته که شه اتا جزیروئه که اطلس اوقیانوس ِشمال دَره و شمالی قطب جه نزدیکه. ایسلند ِنیشتنگا (=پایتخت) و گتترین شهر نوم ریکیاویک هسته و این کشور دله ۳۲۰ هزار نفر زندگی کانّه. این کشور ِپول ِیکا نوم کرون هسته و ونه رسمی زوون ایسلندی هسته که اتا نوردیک ِزوون هسته. این کشور ِ۹۳٫۳۶ درصد شه نژاد ره ایسلندی دونّه که اتی ژرمنی نژاد هسته. ایسلند ِمردِمون ِفرهنگ نوردیک ِکشورون جه نزدیکه. حدوداً ۸۸ درصد این کشور دله مسیحیت و پروتستان پهروو هَستنه.[1]
Lýðveldið Ísland ایسلند |
||||||
---|---|---|---|---|---|---|
ملی شعار: ندانه | ||||||
ملی سرود: حمد ِخونِش |
||||||
نیشتنگا (و گتترین شهر) | ریکیاویک [http://toolserver.org/~geohack/geohack.php?pagename=%D8%A7%DB%8C%D8%B3%D9%84%D9%86%D8%AF&language=fa¶ms=64_08_N_21_56_W_type:country غربی ′۵۶°۲۱ شمالی ′۰۸°۶۴] | |||||
رسمی زوون | ایسلندی (رسمی زوون) | |||||
حکومت ِنوع | چنحزبی ِجمهوری | |||||
حاکمون نوع • رئیس جمهور • نخست وزیر |
اولافور راگنار گریمسون یوهانا سیگورداردوتیر |
|||||
موارد منجر به تشکیل دانمارک جه سِرهیی حکومِت حاکمیتِ حق جمهوری |
۱ فوریه ۱۹۰۴ ۱ دسامبر ۱۹۱۸ ۱۷ ژوئن ۱۹۴۴ میلادی |
|||||
گتی | ||||||
- | گتی | ۱۰۳٬۰۰۰کیلومتر مربع (۱۰۷ام) | ||||
- | ئو (٪) | ۲٫۷ | ||||
جمعیت | ||||||
- | سرشماری | ۳۱۳٬۳۷۶ (۱۷۲ام) |
||||
- | جمعیت انبسی | ۱٫۳/km۲ (۱۹۵ام) | ||||
جیدیپی | (تخمین ۲۰۰۶) | |||||
- | مجموع | ۱۲٬۱۷۲ میلیارد دلار (۱۳۲ام) | ||||
- | سرانه | ۴۰٬۲۷۷ دلار (۲۰۰۵ میلادی) (۵ام) | ||||
اچدیآی (۲۰۰۷) | ۰٫۹۶۸ (بالا) (اول) | |||||
پول یکا | کرون (ISK ) |
|||||
اینترنتی دامنه | .is | |||||
تلفن پیششماره | +۳۵۴ | |||||
ایسلند دله قرن نوزَّهُم ناسیونالیسم خله بیّه و ۱ دسامبر سال ۱۹۱۸ این کشور دانمارک جه سِوا بیّه ولی وشون ِشاهون اتا خاندان جه بینه و هِدی جه مربوط بینه. جهونی جنگ دوم دله، هماِتَنده رابطه هم دانمارک جه قطع بیّه و سال ۱۹۴۴ ایسلند دله جمهوری اعلام بیّه. دههئون ۱۹۵۰ و ۱۹۷۰ ایسلند چنبار بریتانیا جه ماهیگیری ِحق وسّه اختلاف پیدا هاکِرده و کاد جنگون (Cod wars) ره پیش بیارده که سهبار اتفاق دَکِتنه: اولین صوه ۱۹۵۸، دومین دفعه ۱۹۷۳-۱۹۷۲ و آخرین صوه ۱۹۷۶-۱۹۷۵.
ایسلند تا قرن بیستم جهون ِفقیرترین کشورون جه بییه ولی جهونی جنگ دوم ِتموم بیّن په بتونِسته ماهیگیری و مارشال طرح کومِک جه رشد هاکِنه و تا دههٔ ۱۹۹۰ اتا پولدار ِکشور بیّه و حتی ونه کار اتجا بَرِسییه که اِسا ونه انسانی توسعهی شاخص اولین رُتبه ره دِنیا دله دانّه. ایسلند دله مالیات کم هَسته و بازارون آزادِنه. [2]
ایسلند ِگَتی (=مساحت) ۱۰۳٬۰۰۰ کیلومتر مربع هسته و ونه جمعیت ویشته جنوبغرب دله دَرنه. این کشور ِبِنه اتخله فعّال ِآتشفشون دانّه و همینسه اونجه زمینگرمایی جه خله استفاده کانّه.
اولین آدِمونی که ایسلند دله ساکن بَیینه نروژ جه سال ۸۷۴ بمو بینه. اینگولفور آرنارسون، اتا نروژی بییه که شه قبیله و تیر-طایفه ره شه هِمراه اینجه مستقر هاکِرده. اینتی بییه که ایسلند ۱۲۶۲ تا ۱۹۱۸ نروژ ِسامون دله حیساب بییه و این سال جه دانمارک وه ره شه سامون دله حیساب بیارده. سال ۱۹۱۸ ایسلند اتا سِوا کشور بیییه.
ایسلند کمجمعیتترین کشوری هسته که ناتو دله دَره و تنها عضوی هسته که دائمی ارتش ندانّه. ایسلند ِکشور هَنتا اروپا اتحادیه دله دَنییه ولی شینگتن ِاتحاد دله دَره.