အီဂျစ်နိုင်ငံ
အရှေ့မြောက်အာဖရိကနှင့် အနောက်တောင်အာရှနိုင်ငံ / From Wikipedia, the free encyclopedia
အီဂျစ်နိုင်ငံ၊ သမ္မာကျမ်းစာအရ အဲဂုတ္တုပြည်သည် ဆိုင်းနိုင်း ကျွန်းဆွယ်ပေါ်တွင် တည်ရှိသည်။ ထို့ကြောင့် အီဂျစ်နိုင်ငံသည် အာဖရိက တိုက်နှင့် အနောက်တောင် အာရှကို ကူးလူး ဆက်သွယ်ပေးသည့် တံတား ပမာ ဖြစ်နေသည်။ ထိုကြောင့် အီဂျစ်နိုင်ငံသည် တိုက်ကြီးနှစ်ခုကို ခွလျှက် တည်ရှိသော နိုင်ငံဖြစ်ပြီး အာဖရိက၊ မြေထဲပင်လယ် ဒေသ၊ အရှေ့အလယ်ပိုင်း နှင့် အစ္စလာမ်ကမ္ဘာ တွင် အဓိက အင်အားကြီးနိုင်ငံ ဖြစ်သည်။ ဧရိယာ အကျယ်အဝန်း ၁,၀၁၀,၀၀၀ စတုရန်း ကီလိုမီတာ (၃၉၀,၀၀၀ စတုရန်းမိုင်) ရှိပြီး အီဂျစ်နိုင်ငံသည် မြောက်ဘက်တွင် မြေထဲပင်လယ်၊ အရှေ့မြောက်ဘက်တွင် ဂါဇာကမ်းမြောင်ဒေသနှင့် အစ္စရေးနိုင်ငံ၊ အရှေ့ဘက်တွင် ပင်လယ်နီ၊ တောင်ဘက်တွင် ဆူဒန်နိုင်ငံနှင့် အနောက်ဘက်တွင် လစ်ဗျားနိုင်ငံ တို့နှင့် ဆက်စပ်လျှက် တည်ရှိသည်။
အီဂျစ်အာရပ်သမ္မတနိုင်ငံ جمهورية مصر العربية | |
---|---|
နိုင်ငံတော် သီချင်း: ငါ့နိုင်ငံ၊ ငါ့နိုင်ငံ၊ ငါ့နိုင်ငံ | |
မြို့တော် နှင့် အကြီးဆုံးမြို့ | ကိုင်ရိုမြို့ |
ရုံးသုံး ဘာသာစကားများ | အာရပ်[1] |
အမျိုးအစား | သမ္မတ တစ်စိတ်တစ်ပိုင်း ဦးဆောင်သော အစိုးရ |
အစိုးရ | |
• သမ္မတ | ဟို့စ်နီမူဘာရပ် |
• ဒုတိယသမ္မတ | အိုမာဆူလေမန် |
တည်ထောင် | |
• အပေါ်ပိုင်းနှင့် အောက်ပိုင်းပေါင်းစည်းခြင်း | ၃၁၀၀ ဘီစီ |
• ယူကေမှ လွတ်လပ်ရေး ကြေညာခြင်း | ၂၈ ဖေဖော်ဝါရီ ၁၉၂၂ |
• သမ္မတနိုင်ငံ ကြေညာခြင်း | ၁၈ ဇွန်လ ၁၉၅၃ |
• လက်ရှိ ဖွဲ့စည်းပုံ အခြေခံဥပဒေ | ၁၁ စက်တင်ဘာလ ၁၉၇၁ |
ဧရိယာ | |
• စုစုပေါင်း | ၁,၀၀၂,၄၅၀ km² (၃၈၇,၀၄၈ sq mi) (အဆင့်: ၃၀) |
• ရေထု (%) | ၀.၆၃၂ |
လူဦးရေ | |
• ခန့်မှန်း | ၇၉,၀၈၉,၆၅၀ |
• သိပ်သည်းမှု | ၈၂.၃/km² (၂၁၄.၄/sq mi) (အဆင့် - ၁၂၀) |
GDP (PPP) | ခန့်မှန်း |
• စုစုပေါင်း | $၄၉၆.၆၀၄ billion |
• Per capita | $၆,၃၄၇ |
HDI | ၀.၆၂၀ အလယ် · ၁၀၁ |
တယ်လီဖုန်းကုဒ် | +10 |
Internet TLD | .eg |
အီဂျစ်သည် အာဖရိကနှင့် အရှေ့အလယ်ပိုင်းတွင် လူဦးရေအများဆုံး နိုင်ငံတစ်နိုင်ငံ ဖြစ်သည်။ အီဂျစ်နိုင်ငံရှိ ခန့်မှန်းခြေ လူဦးရေ ၇၉ သန်း၏ အများစုသည် နိုင်းမြစ်၏ ကမ်းပါးနံဘေးတွင် နေထိုင်ကြပြီး ထိုဒေသမှာ အကျယ်အဝန်းအားဖြင့် ၄၀,၀၀၀ စတုရန်း ကီလိုမီတာ (၁၅,၀၀၀ စတုရန်းမိုင်) မျှ အကျယ်အဝန်း ရှိပြီး စိုက်ပျိုးနိုင်သော မြေနေရာများသည် ထိုဒေသတွင်သာ ရှိသည်။ ဆာဟာရ သဲကန္တာရ အတွင်းရှိ ဒေသအများအပြားမှာ လူဦးရေ အနည်းငယ်မျှသာ နေထိုင်ကြသည်။ အီဂျစ်နိုင်ငံရှိ လူဦးရေ၏ ထက်ဝက်ခန့်မှာ မြို့ပြဒေသများတွင် နေထိုင်ကြပြီး အများစုမှာ လူဦးရေ သိပ်သည်းသော ဂရိတ်တာ ကိုင်ရို၊ အလက်ဇန်းဒရီးယား နှင့် နိုင်းမြစ်ဝှမ်းတွင် ရှိသော အခြားမြို့ကြီးများတွင် ဖြန့်ကျက်နေထိုင်ကြသည်။
အီဂျစ်သည် ရှေးဟောင်း ယဉ်ကျေးမှုလူ့အဖွဲ့အစည်းနှင့် ပတ်သက်၍ ဂိုင်ဇာ ပိရမစ် နှင့် ဂရိတ် စဖင့် ရုပ်တု စသည့် အဆောက်အဦးများနှင့်ပတ်သက်၍ ထင်ရှားကျော်ကြားသည်။