From Wikipedia, the free encyclopedia
မေတ္တာနှင့် သူရာသည် မြန်မာ့ ရုပ်ရှင်လောက၏ ပထမဦးဆုံးသော အသံတိတ် ရုပ်ရှင်ဇာတ်ကား တစ်နည်းအားဖြင့် မြန်မာ့ ပထမဆုံးသော ရုပ်ရှင်ဇာတ်ကား ဖြစ်သည်။ မြန်မာ စာရေးဆရာကြီး ပီမိုးနင်း ရေးသားသော ဝတ္ထုကို နောင်တွင် မြန်မာ့ ရုပ်ရှင် ဖခင်ကြီး လန်ဒန်အတ် ဦးအုန်းမောင်က ရိုက်ကူးပြီး သရုပ်ဆောင်အဖြစ် ဦးညီပု၊ ဒေါ်ရီရီ တို့က ပါဝင်သရုပ်ဆောင်ထားသည့် အင်္ဂလိပ်ကိုလိုနီခေတ် မြန်မာ့ရုပ်ရှင်ကား တစ်ကား တစ်ကားဖြစ်သည်။ ထိုရုပ်ရှင်ကားကို အောက်တိုဘာလ၊ ၁၃ ရက်နေ့၊ ၁၉၂၀ ခုနှစ်တွင် ရုံတင်ကာ ပြသခဲ့သည်။ ယခုအခါ ထိုနေ့ကို မြန်မာ့ ရုပ်ရှင်နေ့ အဖြစ် အထိမ်းအမှတ်ပွဲများ ပြုလုပ်ကြသည်။ ထိုဇာတ်လမ်းသည် လောင်းကစားနှင့် သေရည်သေရက်သည် လူတစ်ယောက်၏ ဘဝကိုပင် ဖျက်ဆီးပစ်ကြောင်းကို ပုံဖော်ထားသော ဇာတ်လမ်းဖြစ်သည်။
ဦးအုန်းမောင်ဟု ခေါ်သော နောင်တွင် မြန်မာ့ ရုပ်ရှင် ဖခင်ကြီး ဖြစ်လာမည့် လန်ဒန်အတ် ဦးအုန်းမောင်သည် မြန်မာ ရုပ်ရှင်ကို ရှေ့ဦးစွာ တီထွင်ရန်အတွက် ဘားမားဖလင် ရုပ်ရှင်ရိုက်ကူးရေး ကုမ္ပဏီကို ဖွဲ့စည်းခဲ့သည်။ ထို့နောက် ဦးညီပုကို ဆက်သွယ်ကာ ပထမဆုံး အသံတိတ်ရုပ်ရှင် မေတ္တာ နှင့် သူရာ ကို ရိုက်ကူးရန် စီစဉ်ခဲ့သည်။ ထို့နောက် ဗမာ့ရုပ်ရှင် မေတ္တာနှင့် သူရာ ဟူသော ခေါင်းစဉ်ဖြင့် ရုံတင်ကာ ပြသခဲ့သည်။ သို့သော် ယနေ့ကဲ့သို့ ပါဝင်သော သရုပ်ဆောင်များ၊ ဇာတ်ပို့ဇာတ်ရံများ၊ ဇာတ်ညွှန်းရေးဆရာများ ၏ အမည်ကိုမူ ဖော်ပြထားခြင်း မရှိခဲ့ချေ။ ထို့နောက် အောက်တိုဘာလ ၁၃ ရက်၊ ၁၉၂၀ ခုနှစ်တွင် ရုံတင်ကာ ပြသခဲ့ပြီး ထိုအချိန်ကပင် မြန်မာရုပ်ရှင်နေ့ ဟူ၍ သတ်မှတ်ခဲ့သည်။ ထိုရုပ်ရှင်သည် မှုန်၏။ တုန်၏။ အရည်အသွေးညံ့ဖျင်းလေသည်။ အဘယ့်ကြောင့်ဆိုသော် ဦးအုန်းမောင်သည် ထိုအချိန်က တပတ်ရစ် ကင်မရာကို အသုံးပြုထားခြင်း နှင့် နည်းပညာပိုင်းအရ ဆရာမရှိ၊ ပြသမည့်သူ့မရှိ၊ မိမိ ထင်သလို ကောင်းအောင် ပြုလုပ်ထားခြင်းတို့ကြောင့် ဖြစ်လေသည်။ သို့သော်လည်း မြန်မာတို့က မြန်မာရုပ်ရှင်ပေါ်လေပြီဟူသော အသိဖြင့် အပြည့်အဝ ထောက်ခံခဲ့ပြီး ပရိသတ် လက်ခံမှု ရရှိကာ အောင်မြင်ခဲ့လေသည်။ [1] [2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
