တားမြစ်ထားသော မြို့တော်
တရုတ်နိုင်ငံ၊ ဘေဂျင်းမြို့ရှိ သမိုင်းဝင်နေရာ၊ ဧကရာဇ်နန်းတော်၊ အနုပညာပြတိုက် / From Wikipedia, the free encyclopedia
တားမြစ်ထားသောမြို့တော် (The Forbidden City) သည် တရုတ် ဧကရာဇ် တို့၏ နန်းတော်ဖြစ်ပြီး မင်မင်းဆက်မှ ချင်းမင်းဆက် (မန်ချူးခေတ်) အထိ အသုံးပြုခဲ့သည်။ ထိုနန်းတော် အဆောက်အဦးမှာ တရုတ်ပြည်သူ့သမ္မတနိုင်ငံ ပေကျင်းမြို့ အလယ်တွင် တည်ရှိပြီး ယခုအခါတွင် နန်းတော်ပြတိုက်အဖြစ် ပြုလုပ်ထားသည်။ ဧကရာဇ်များနှင့် တော်ဝင် မိသားစုများသည် နှစ် ၅၀၀ တိုင်အောင်ပင် ယင်းအဆောက်အဦးတွင် စံမြန်းနေထိုင်ခဲ့ကြပြီး တရုတ်မင်းဆက်များ အရေးပါသည့် ပွဲလမ်းသဘင်များ ကျင်းပရာနေရာ၊ နိုင်ငံရေးဆိုင်ရာ အချက်အချာ ဌာန အဖြစ် တည်ရှိခဲ့သည်။
တားမြစ်ထားသော မြို့တော် 故宫 | |
---|---|
တည်ထောင်ခြင်း | ၁၉၂၅ |
တည်နေရာ | 4 Jingshan Front St, Dongcheng, ပေကျင်းမြို့၊ တရုတ်နိုင်ငံ |
ကိုဩဒိနိတ် | 39.915987°N 116.397925°E / 39.915987; 116.397925 |
အမျိုးအစား | အနုပညာပြတိုက်၊ တော်ဝင်နန်းတော်၊ သမိုင်းဝင်နေရာ |
လည်ပတ်သူများ | ၁၆.၇ သန်း[1] |
ပြတိုက်မှူး | Wang Xudong |
ဧရိယာ | ၇၂ ဟက်တာ[2] |
တည်ဆောက် | ၁၄၀၆–၁၄၂၀ |
ဗိသုကာ | Kuai Xiang |
ဗိသုကာစတိုင် | တရုတ်ဗိသုကာ |
ဝက်ဘ်ဆိုဒ် | en.dpm.org.cn (အင်္ဂလိပ်) dpm.org.cn (တရုတ်) |
ယူနက်စကို ကမ္ဘာ့အမွေအနှစ်နေရာ | |
Part of | Imperial Palaces of the Ming and Qing Dynasties in Beijing and Shenyang |
ရွေးချယ်သည့် စံနှုန်း | ယဉ်ကျေးမှုဆိုင်ရာ: i, ii, iii, iv |
ရည်ညွှန်း | 439-001 |
စတင်သတ်မှတ်ခြင်း | ၁၉၈၇ (၁၁ ကြိမ်မြောက် အစည်းအဝေး) |
ယင်းနန်းတော်ကို ၁၄၀၆ ခုနှစ်မှ ၁၄၂၀ ခုနှစ်အတွင်း တည်ဆောက်ခဲ့ကာ ၇၂၀၀၀၀ စတုရန်းမီတာ ကျယ်ဝန်းပြီး အဆောင်ပေါင်း ၉၈၀ ပါဝင်သည်။[3] တရုတ်ဗိသုကာ လက်ရာ၏ စံနမူနာဖြစ်ပြီး[4] အရှေ့အာရှနှင့် အခြားဒေသများ၏ ဆောက်လုပ်ရေး နည်းစနစ်များကို လွှမ်းမိုးခဲ့သည်။ ၁၉၃၇ ခုနှစ်တွင် ယူနက်စကိုမှ ကမ္ဘာပေါ်တွင် ရှေးအကျဆုံး ပျဉ်ထည် အဆောက်အဦး အစုအဖွဲ့အဖြစ် မှတ်တမ်းတင်ကာ ကမ္ဘာ့ ယဉ်ကျေးမှု အမွေအနှစ်အဖြစ် ကြေညာခဲ့သည်။[4]