Sermon de la muntanha
From Wikipedia, the free encyclopedia
L Sermon de la Muntanha ye un longo çcurso de Jasus Cristo que puode ser lido ne l Eibangelho de San Mateus, más percisamente ne ls capítulos 5 a 7. L mais cierto, resulta de la reunion de anterbençones oucorridas an momentos çtintos. Nestes çcursos, Jasus Cristo profere liçones de cunduta i moral, ditando ls percípios que norman i ourientan la berdadeira bida crestiana, ua bida que cunduç la houmanidade al Reino de Dius i que pon an prática la buntade de Dius, que lieba a la berdadeira libartaçon de l home. Estes çcursos puoden ser cunsiderados por esso cumo un resumo de l ansinamientos de Jasus a respeito de l Reino de Dius, de l acesso al Reino i de la transformaçon que esse Reino produç.
Teologie crestiana
Santíssima Trindade
Eigreijas Crestianas
Chamamentos crestianas
Culto Crestiano
Portal de l Crestianismo
|
Para alhá de amportantes percípios ético- morales, puode-se notar grandes rebelaçones, pus aqueilho que muitas bezes ye tenido por ruin, por zagradable, delantre de Dius ye l que rialmente bai lebar muitos a la berdadeira felicidade. Esta passaige forma un paradoxo, cuntreriando la eideia de muitos i más ua beç mostrando que "...'Dius nun bé cumo l home bei, l home bei la aparéncia, mas Dius sonda l coraçon" (I Samuel 16.7).
Ne l Sermon de la Muntanha, l eibangelista San Mateus stá a apersentar Jasus Cristo cumo l nuobo Moisés, dende l çcurso ser proferido nua muntanha (cierta mente, solo ua colina), porque Moisés tenie recebido ls 10 Mandamientos na muntanha de l Sinai. Mas, Jasus nun bino para abolir la Lei ó ls Profetas [1], mas si lebá-los a la perfeiçon na sue íntegra (Mt 5, 17).