Paulínia
From Wikipedia, the free encyclopedia
Paulínia ye un munecípio brasileiro ne l'anterior de l stado de San Poulo. Pertencente a la mesorregion i microrregion de Campinas, queda la noroiste de la capital de l stado, cerca de 118 quilómetros lhoinge desta. Acupa ua ária de 139 Km² i sue populaçon an 2009 era de 84.577 habitantes. Queda na region coincida cumo eixe Riu-San Paulo, serbindo de lhigaçon antre la Region Metropolitana de San Paulo i cidades de la region, cumo Cosmópolis, Artur Nueira i Cunchal.
Paulínia | |||||||
---|---|---|---|---|---|---|---|
| |||||||
Ounidade Federatiba | San Poulo | ||||||
Superfice | 139 km² | ||||||
Populaçon | 84.577 (2009) | ||||||
Densidade | 524hab/km² | ||||||
![]() | |||||||
Cordenadas geográficas | 22° 45′ 40″ S, 47° 9′ 15″ W |
L munecípio de Paulínia fui apartado de l munecípio de Campinas ne l'anho 1964. L nome ye ua houmenaige la José Paulino Nueira, un quinteiro coincido na region de Campinas, qu'amprestou sou nome pa la staçon ferrobiária al redror de la qual se zambolbiu l munecípio. Ye coincido por sediar l maior polo petroquímico de la América Lhatina, centrado na Refinarie de Paulínia (REPLAN).
Grácias a la Replan[1] i a esse polo petroquímico, que stan sediados na region norte de la cidade, Paulínia ten la sétima maior renda per capita de l Brasil.[2] Tamien grácias al polo, ten altos nibles de poluiçon por ozónio, percipalmente ne l çtrito de Betel i na region de la REPLAN, adonde se ancontran ampresas cumo: Rhodia, Purina, Shell, Petrobras i Galvani. La cidade se çtaca pul antenso crecimiento populacional, sendo l maior de la Region Metropolitana de Campinas.[3]
L munecípio ye formado pula cidade de Paulínia i pul çtrito de Betel, na region lheste. Paulínia faç parte de l chamado Cumplexo Metro Stendido, qu'ultrapassa ls 29 milhones de habitantes, aprossimadamente 75% de la populaçon de l stado anteiro. Las regiones metropolitanas de Campinas i de San Paulo yá forman la purmeira megalópole de l heimisfério sul, ounindo 65 munecípios que juntos abrigan 12% de la populaçon brasileira.[4]