![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/ba/Gulf_Offshore_Platform.jpg/640px-Gulf_Offshore_Platform.jpg&w=640&q=50)
Petrólio
From Wikipedia, the free encyclopedia
L petrólio (de l latin petroleun, petrus, piedra i oleun, ólio, de l griego πετρέλαιον (petrélaion), "ólio de la piedra", de l griego antigo πέτρα (petra), piedra + έλαιον (eilaion) ólio de ouliba, qualquiera sustáncia oleosa.), ne l sentido de ólio bruto, ye ua sustáncia oleosa, anflamable, giralmente menos densa que la auga, cun oulor caratelístico i coloraçon que puode bariar zde l ancolor ó castanho claro até l preto, passando por berde i marron (castanho).
![Thumb image](http://upload.wikimedia.org/wikipedia/commons/thumb/b/ba/Gulf_Offshore_Platform.jpg/640px-Gulf_Offshore_Platform.jpg)
![Thumb image](http://upload.wikimedia.org/wikipedia/commons/thumb/d/df/Oilfield_Installation.jpeg/640px-Oilfield_Installation.jpeg)
Cumbinaçon cumplexa de hidrocarbonetos, cumpuosta na sue maiorie de hidrocarbonetos alifáticos, alicíclicos i aromáticos, podendo cunter tamien quantidades pequeinhas de nitrogénio, oxigénio, cumpuostos de alxofre i íones metálicos, percipalmente de níquel i banádio. Esta catadorie anclui petrólios lhebes, médios i pesados, assi cumo ls ólios straídos de arenas ampregnadas de alcatron. Materiales hidrocarbonatados que requíren grandes alteraçones químicas para la sue recuperaçon ó cumberson an matérias-primas para la refinaçon de l petrólio tales cumo ólios de piçarra crudos, ólios de piçarra anriquecidos i cumbustibles lhíquidos de hulha nun se ancluen nesta definiçon.
L petrólio ye un recurso natural abundante, mas sue pesquisa ambolbe eilebados custos i cumplexidade de studos. Ye tamien atualmente la percipal fuonte de einergie. Sirbe cumo base para fabricaçon de ls mais bariados perdutos, dentre ls quales çtacan-se: benzinas, ólio diesel, gasolina, alcatron, polímeros plásticos i até mesmo medicamentos. Yá probocou muitas guerras, i ye la percipal fuonte de renda de muitos países, subretodo ne l Ouriente Médio.
Para alhá de gerar la gasolina que sirbe de cumbustible para grande parte de ls altemobles que circulan ne l mundo, bários perdutos son deribados de l petrólio cumo, por eisemplo, la parafina, GLP, produtos asfálticos, nafta petroquímica, querosene, solbentes, ólios cumbustibles, ólios lhubrificantes, ólio diesel i cumbustible de abiaçon.