Brinquedo
From Wikipedia, the free encyclopedia
Brinquedo ye un oubjeto ó ua atebidade lhúdica, buoltada única i specialmente pa l lhazer, i giralmente associada la ninos, tamien ousada por bezes para çcrebir oubjetos cula mesma finalidade, buoltada para adultos. Na pedagogie, un brinquedo ye qualquiera oubjeto que l nino puoda ousar ne l'ato de brincar. Alguns brinquedos permiten a las ninos dibertiren-se anquanto, al mesmo tiempo, las ansinan subre un dado assunto. Brinquedos muitas bezes ajudan ne l zambolbimiento de la bida social de a nino, specialmente aqueilhas ousadas an jogos coperatibos.
Ls brinquedos son de bital amportança pa l zambolbimiento i la eiducaçon de a nino,[1] por propiciar l zambolbimiento simbólico, stimular la sue eimaginaçon, la sue capacidade de pensar[2] i la sue outo-stima. Puoden ser outelizados an tratamiento psicoterapéutico na Lhudoterapie, cun ninos cun porblemas emocionales causados por fatores bariados, ó qu'apersentan çtúrbios de cumportamiento ó baixo rendimiento scolar.
Caminonezinhos, carrinhos an meniatura, bonecas, bolas, ursos de pelúcia, ioiós i ation-figures son eisemplos de brinquedos. L'ato de brincar an si, giralmente nun eisige un brinquedo, que seia un oubjeto tangible, puode acuntecer cumo jogos simbólicos (faç-de-cunta).